Светот се збогува со светски познатиот диџеј Авичи кој имаше 28 години

Детали

сабота, 21 април 2018

Светски познатиот диџеј Тим Берглинг, за публиката познат како Авичи, е пронајден мртов во петокот, во Оман.

Тој почина на 28-годишна возраст, а причините за неговата смрт сè уште не се познати, иако за јавноста беа познати неговите здравствени проблеми.

Неговиот публицист ја потврди смртта со изјава за јавноста:

„Со длабока тага ја изјавуваме загубата на Тим Берглинг, познат како Авичи. Тој е пронајден мртов во Мускат, Оман овој петок, на 20-ти април, попладне по локално време. Семејството е потиштено и бараме од сите да ја почитуваат нивната потреба за приватност во овој тежок период. Нема да бидат дадени дополнителни изјави.“

Диџејот патеше од акутен панкреатит, а најголем причинител за тоа било прекумерното консумирање алкохол.

Поради тоа тој во 2016 се откажа од турнеи, откривајќи им на фановите дека е за доброто на неговото здравје.

Авичи се проби на светската сцена со хитот „Levels“ и продолжи да ја гради кариерата со светски хитови меѓу кои најпознати беа „Wake Me Up“, „Hey Brother“, „I Could Be The One“, „The Nights“ и многу други.

Тој соработуваше со многу познати музички имиња, а голем дел од нив ја споделија нивната тага на социјалните мрежи.

?ref_src=twsrc%5Etfw&ref_url=http%3A%2F%2Fwww.kisschattanooga.com%2Fblogs%2Fcelebrities-react-death-avicii&tfw_site=Kisschattanooga

?ref_src=twsrc%5Etfw&ref_url=http%3A%2F%2Fwww.kisschattanooga.com%2Fblogs%2Fcelebrities-react-death-avicii&tfw_site=Kisschattanooga

?ref_src=twsrc%5Etfw&ref_url=http%3A%2F%2Fwww.kisschattanooga.com%2Fblogs%2Fcelebrities-react-death-avicii&tfw_site=Kisschattanooga

Потсетете се на неколку негови најдобри хитови чии стихови долго ќе се пеат:

М. М. | Црнобело