Хајди Клум му оддаде почит на Мајкл Џексон со епска маска за Halloween

Детали

среда, 01 ноември 2017

Моделот, инспириран од музичкото видео за песната „Thriller“ на Мајкл Џексон, повторно имаше маска за паметење.

Хајди Клум е позната по незаборавните маски за Halloween, па и годинава остана доследна на високите критериуми што ги постави изминатите години.

Моделот (44) на 18-тата годишна забава по повод Ноќта на вештерките во Њујорк му оддаде почит на Мајкл Џексон за музичкото видео „Thriller“ од 1983 година и облече костим на врколак, кој изгледаше исто како оној од спотот на починатата ѕвезда.

Во легендарното 14-минутно видео Мајкл го гледаме како големо, влакнесто суштество.

Потсетете се на неговиот епски спот:

Изгледот на Хајди вклучуваше протетика на лицето, рацете и градите. Долги нокти, бујна перика, големи заби, едноставно застрашувачко.

Подготовката на маската беше напорен процес, а Хајди тоа го покажа низ неколку видеа на Инстаграм:

Дури и остатокот од изгледот беше во духот на Мајкл Џексон, па таа облече црвено-златна јакна со големо „М“, фармерки и бели чорапи. Придружувана беше уште од неколку луѓе во зомби костими, за да се добие комплетен ефект.

Еве како изгледаше Хајди на забавата:

• 
• 
• 
• 
• 
• 
• 
• 
• 
• 
• 
• 
•  

С. С. | Црнобело