Фотки од свадбата на Меси и неговата љубов од детството, Антонела Рокуцо

Детали

понеделник, 03 јули 2017

Во петокот, ѕвездата на Барселона, Лионел Меси, се ожени со неговата избраничка, Антонела Рокуцо, која ја познава од своја 5-годишна возраст.

Повеќе од 250 гости – пријатели и фамилија, вклучувајќи и некои од големите имиња во фудбалот, пристигнаа во Аргентина за да ја проследат гламурозната церемонија.

Парот го забранил користењето на мобилни телефони на нивната свадба, а 450 припадници на полицијата биле ангажирани за големиот ден.

Пресот постави црвен тепих на влезот на хотелот во Росарио, а гостите избираа дали сакаат да бидат фотографирани и интервјуирани, или ќе влезат од „подискретна“ страна.

На свадбата присуствуваа и поранешните соиграчи на Меси, меѓу кои Фабрегас, Карлес Пујол и Семјуел Ето.

Луис Суарез покажа дека се радува за свадбата на неговиот соиграч во Барселона. Жерар Пике и Нејмар исто така беа на листата на гости, а поранешниот менаџер, Жузеп Гвардиола, изгледа не бил поканет.

Неговиот соиграч во Барселона и во репрезентација, Хавиер Маскерано, исто така се појави, придружен од крилото на ПСЖ и Аргентина, Анхел Ди Марија.

За младоженецот, јасно ни е дека има одлични вештини кога се работи за фудбалот, но неговите танцувачки способности проценете ги сами во ова видео:

https://www.youtube.com/watch?v=Ql3_mytqL6Q

Парот има и 2 прекрасни дечиња, кои исто така присуствуваа на свадбата, а повеќе фотографии погледнете во галеријата:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. М. | Црнобело