Аристократска свадбена прослава во Италија на 40-годишната Џесика Честејн (фото)

Детали

понеделник, 12 јуни 2017

Актерката Џестика Честејн во саботата (10.06) се омажи со своето момче Жан Лука Паси де Препузоло во Италија.

Свадбата на прекрасната 40-годишна актерка се одржа во италијанскиот град Тревизо, во близина на Венеција, на семејниот имот на младоженецот.

Џесика изгледаше прекрасно во бела „винтиџ“ венчаница со тантела и интересен крој кај половината. Нејзините препознатливи црвени локни беа собрани во едноставен кок врз кој имаше бел вел од тул.

Нејзиниот 34-годишен избраник беше заводлив во син костум со бела кошула и сива вратоврска.

Жан Лука потекнува од аристократско семејство, па свадбената прослава беше комбинација од холивудски ѕвезди и италијанска аристократија. Помеѓу присутните беа актерката Ен Хатавеј, актерката Емили Блант и италијанскиот модел Бјанка Брандолини д'Ада.

С. С. | Црнобело