Што јаде и пие кралицата Елизабета во текот на еден ден?

Детали

понеделник, 13 март 2017

Како кралицата Елизабета ја одржува својата виталност на полни 90 години?

Секој човек си има посебни навики кои открил дека му пријаат на организмот и здравјето, а ова се тајните на кралицата Елизабета, односно нејзиното мени во текот на еден ден:

Денот го почнува со чај и бисквити

Обично штом се разбуди пие Earl Grey чај, без млеко и шеќер, со неколку бисквити.

Потоа појадува

Нејзиниот појадок вклучува житарки и овошје. Меѓутоа, може да посегне и по парче леб и мармалад, кога житарките ќе и досадат.

Трета опција исто така е кајганата со димен лосос и тартуф.

Што се однесува до типот на јајаца, преферира кафени, а не бели, бидејќи смета дека имаат подобар вкус.

Пред ручекот обично ужива во чаша џин и Dubonnet, сладок аперитив на база на вино, со парче лимон и многу мраз.

Ручекот е едноставен

Тоа понекогаш може да биде едноставна мешавина од зеленчук и риба или едноставна салата од зеленчук и бело месо на скара.

Сепак, правилото важи „без скроб“, што значи нема компири, ориз или тестенини.

Секој ден има попладневна чаенка

Обично на чаенката има послужено ужини како краставици, димен лосос, јајца и мајонез или шунка и сенф. Од десерти, често има бисквити и торти, овошје, чоколадни бисквити и сендвичи со мармалад од малини.

За вечера повторно месо

Филети говедско, дивеч, фазан или сепак лосос, прелиени со сос од печурки, крем и виски.

Десертите вклучуваат многу јагоди или благи, бели праски.

Кралицата исто така обожава чоколадо, без оглед дали е од некој луксузен бренд или обично од супермаркет.

И сосема нормално, денот го завршува со чаша шампањ.

М. Д. | Црнобело