18-годишното пријателство на Лео и Кејт, низ нивни изјави

Детали

петок, 07 октомври 2016

Поминаа 18 години откако Кејт Винслет и Леонардо ди Каприо се запознаа за време на снимањето на Титаник и додека нивната врска на филмот заврши трагично, нивната вистинска пријателска љубов продолжува години наназад.

Двајцата актери кои на екранот се сретнаа уште еднаш за филмот „Revolutionary Road“ се блиски пријатели речиси 20 години.

Нивното пријателство започна со Титаник во 1997-та година кога Кејт наполни 21 година, а Лео 22 години додека го снимаа филмот.

Хемијата меѓу нив не можеше да се негира, а за неа коментираше Лео во интервју за Entertainment Tonight: „Таа е прекрасна личност, па нормално, хемијата се случи природно и веднаш. Се сакаме како личности. Што се однесува до секс сцената, многу се смеевме на неа“.

Тоа беше само почеток на нивното долгогодишно пријателство кое со текот на годините стануваше поцврсто.

Лео ѝ кажа на Опра Винфри: „На многу начини, Кејт и јас пораснавме заедно во оваа индустрија. Тука сме еден за друг и секогаш си помагаме еден на друг“.

Но, тоа не беше прв пат како Лео кажал прекрасни работи за Кејт. Во 2004-та година на промоцијата на филмот „The Aviator“ зборуваше за Титаник и неговата врска со Кејт.

Нивното прекрасно пријателство стана уште појасно за време на сезоната за доделување награди во 2007-та година кога и двајцата беа номинирани за многу награди.

Кејт за нејзиното глумење во филмот „Little Children“, Лео за „The Departed“ и „Blood Diamond“.

Неколкупати се сретнаа и заедно ја прославија победата за „The Departed“.

Истата таа година, 10 години откако започна нивното пријателство, се вратија назад заедно пред камерите за филмот „Revolutionary Road“. Во тој период, сопруг на Кејт беше режисерот Сем Мендес кој го режираше филмот.

„Мојата врска со Лео постои пред мојата врска со Сем, а на Сем тоа никогаш не му пречело, напротив, му се допаѓа“ - изјави Кејт во едно интервју за филмот.

Самиот филм зборува за тешки филозофски работи, но тоа воопшто не претставувало проблем за Кејт и Лео поради нивното пријателство.

„Многу сме среќни што се имаме еден со друг и возбудени сме што имаме можност да одиме подалеку, на емоционално ниво Знаејќи дека имаме одредено ниво на доверба, нема ограничување, можете да бидеме подобри и подобри, а тоа е луксуз кој го нема секој актер“ - изјавија заедно.

По објавувањето на филмот, Кејт изјави дека тоа што „го снимале заедно филмот, им дало можност да поминуваат повеќе време заедно“, а Лео надополни: „Навистина е многу добро кога имаш можност да работиш со еден од твоите омилени и најдобри пријатели. Секогаш се радувам кога имам можност да работам со неа“.

Лео во една ситуација изјави: „Таа е сè уште убава исто како и првиот ден кога ја запознав“.

Во 2009-та на црвениот тепих за доделувањето на Златните глобуси, Лео изјави: „Ние сме многу добри пријатели веќе долг период. Активно бараме нешто да правиме заедно. Многу ни одговара тоа“.

Кога Кејт победи за нејзината улога во „Revolutionary Road“ таа испрати порака до нејзиниот пријател: „Лео, среќна сум што можам да стојам тукa и да ти кажам колку те сакам и колку сум те сакала веќе 13 години. Те сакам со целото мое срце. Навистина“.

Подоцна во интервју со Летерман изјави: „Лео и јас се знаеме многу долго. Имаме долга заедничка историја, толку долга што не прави да се чувствуваме стари. Навистина е страшно кога ќе сфатиш колку време поминало“.

Во 2013-та, Лео ја однесе до олтарот кога стапуваше во брак со Нед Рокенрол.

Во 2016-та година на Златните глобуси Лео изјави: „Таа ми е омилената актерка во индустријата“ со слатка насмевка.

Заедно на црвениот тепих беа и за доделувањето на Оскарите во 2016-та година кога Лео за првпат освои Оскар за најдобра машка главна улога.

Н. Г. | Црнобело