Усаин Болт посвои мал гепард

Детали

вторник, 03 ноември 2009

Најбрзиот човек на планетава го посвои најбрзиот спринтер во животинското царство. Имено, Усаин Болт го доби своето ново милениче - гепард...

 

...  со име "Lightning Bolt".

Овој интересен настан е дел од големите напори вложени од страна на Кенија со цел да се зачуваат дивите животни чии опстанок е загрозен поради ловот, климатските промени и човечкото населување на места каде што овие животни опстојуваат.

Светскиот рекордер на 100 и 200 метри плати 13.700 долари за да го посвои ова животинче. Тој секоја година ќе плаќа по 3.000 долари за грижа на "Lightning Bolt" кој ќе порасне во азил за животни во Најроби, Кенија.

Болт беше во 4 дневна посета на Кенија. Изјавил дека се радувал кога ја гледа дивината таму, но се плаши од средба со лавовите таму. За малку што не избегал кога ги видел лавовите, кога го замолиле да се слика со возрасен гепард.

Сепак, се чувствувал далеку попријатно додека го хранел бебето гепард, чија големина е како на онаа на домашна мачка.