Ова е братот близнак на славниот заводник: Тој има трогателна животна приказна

Детали

понеделник, 13 октомври 2014

Додека Ештон Качер се наоѓа на врвот на најпосакувани мажи во Холивуд, ретко кој би рекол дека токму неговиот брат е пример за воодушевување.

Братот близнак на Ештон Качер пати од церебрална парализа, а со својата волја и упорност успева да се бори со болестa и воедно да им помага на другите како него.

Но, тој вели дека никогаш нема да ја заборави помошта од Ештон.

Ештон Качер се родил прв, здрав и со тежина од 5 килограми, додека неколку минути подоцна пристигнал и Мајкл кој имал помалку од 2 килограми.

- Секако, Ештон беше здрав. Секогаш им велам на луѓето дека тој ми јадел сè додека сме биле во матката, се шегува Мајкл.

Кога имале само 3 години, на братот на Ештон му била дијагностицирана церебрална парализа.

Неговата болест е прилично блага, но Мајкл има проблем и со говорот, одењето и слухот. И покрај тоа, важи за одлична инспирација, па често знае да држи мотивирачки говори. Тој секогаш нагласува како поддршката од неговиот брат му значи цело богатство.

Кога биле уште во основно училиште, Ештон бил талентиран за спорт, па лесно постигнувал совршени погодоци. Мајкл во еден момент се свртел и излегол од теренот.

Му реков „Знаеш дека не можам да постигнам таков погодок. Не е фер.“

Тој, дури и во тие млади години, ми објасни: „Можеш да постигнеш сè што ќе посакаш. Јас не можам да ја фрлам топката наместо тебе. Мама не е овде, ни таа не може да направи нешто наместо своето дете. Тоа е твој предизвик. Престани да ја користиш својата болест како изговор. Тоа е твојата препрека,“ се присетува Мајкл.

Овие зборови останале со него до ден денес.

Кога на 14 години му било кажано дека можно е срцето да престане да му работи во секој момент, тоа за него бил нов предизвик. За среќа, и тој го надминал.

Мајкл сега има сериозна работа и живее повлечен живот. Вели дека е пресреќен што Ештон станал татко, а воедно и што тој станал чичко.