Анџелина Џоли стана почесна дама

Детали

петок, 10 октомври 2014

На свечена приватна средба во Бaкингамската палата, американската актерка беше прогласена за почесна дама –Леди од страна на британската кралица Елизабета II.

Овој орден на заслуги Џоли го добива поради несебичното долгогодишно залагање за заштита на жртвите од сексуално насилство во воените подрачја и за учество во надворешната политика на Велика Британија.

Поради тоа што таа не потекнува од Обединетото Кралство, нема да може да ја користи титулата Леди пред своето име, но сепак е премногу возбудена и благодарна за укажаната чест.

Таа одамна е позната како амбасадорка на Обединетите Нации, голем активист и хуманитарец, како и организатор на многу светски кампањи за помош на загрозените лица на многу краеви низ светот.

Секогаш елегантна и софистицирана, овојпат облечена во креација од пролетната колекција на Ралф и Русо, Анџелина Џоли, придружувана од Бред Пит и децата ги прими специјалните ордени од кралицата.