Мартин Јорданоски и Ивана Ристевска се вториот пар кој го напушти шоуто „Танц со ѕвездите 2“

Детали

понеделник, 03 февруари 2014

Младиот актер Мартин Јорданоски и неговата партнерка Ивана Ристеска овој викенд го напуштија шоуто „Танц со ѕвездите 2.“

Мартин и Ивана одиграа 2-минутна самба, тематски базирана на 80-те години, што воедно беше и темата на најновата епизода на ова танцово шоу.

Но, нивните танцови способности изгледа не ја воодушевија публиката, ниту жирито.

За првпат во Македонија, во последната епизода на „Танц со ѕвездите 2“ видовме ретро издание на ова шоу. Продукцијата „Дрим фактори“ се погрижила од костимите, шминката, фризурата, па сè до музиката да биде во ретро стил.

„Според реакциите на публиката и гледачите сме успеале да направиме вистинско освежување во македонскиот етер и нивните барања се да продолжиме со тематски емисии“, вели Огнен Антов – продуцент на „Танц со ѕвездите“.

Најголема ретро трансформација имаше кај водителот Тони Михајловски, кој сега има нова црна коса и кај Васил Зафирчев, членот на жирито кој доби нова бујна коса и ретро стил во каков што досега не сме го виделе.

На првата вечер, во саботата, покрај Мартин и Ивана со својот ревијален танц настапија и Александра Накова и Илија Карадакоски со англиски валцер, Димитар Атанасовски и Јована Василева со џаив, Наташа Мешковска и Роланд Паради со слоу фокс, а Франц и Наде Миленкова одиграа ча ча.

Во вториот дел, односно во неделата, своите танцови способности ги одмерија Стефан Лошковски и Симона Веселиновска со виенски валцер, Наташа Илиевска и Даниел Кимовски со румба, Сара Мејс и Мишо Спасовски со квик степ и Влатко Илиевски и Марина Овезовска со одлично танго.

Доколку пропуштивте некој од паровите, погледнете ги во продолжение и не заборавајте да го поддржите вашиот фаворит.

Мартин Јорданоски и Ивана Ристевска

Александра Накова и Илија Карадакоски

Димитар Атанасовски и Јована Василева

Наташа Мешковска и Роланд Паради

Франц и Наде Миленкова

Стефан Лошковски и Симона Веселиновска

Наташа Илиевска и Даниел Кимовски

Сара Мејс и Мишо Спасовски

Влатко Илиевски и Марина Овезовска