Актери кои се прославија поради своите познати родители, но докажаа дека имаат и талент

Детали

недела, 06 април 2025

Фановите велат дека Анџелина Џоли одамна го надмина татко ѝ, актерот Џон Војт, кој ѝ помогна да стане дел од филмската индустрија.

Непотизмот во светот на славните не е ништо ново и поголемиот дел од ѕвездите се деца на веќе познати личности.

Додека некои од нив добиваат ангажмани само поради славните родители, факт е дека има и деца на познати личности кои сепак се талентирани.

И, заслужено се дел од забавната индустрија.

Кои деца на славни личности се навистина талентирани, според фановите?

Кејт Хадсон

Кејт Хадсон е ќерка на Голди Хоун и Бил Хадсон.

Мајка ѝ е позната актерка, додека татко ѝ беше дел од групата Hudson Brothers.

Родителите на Кејт се разведоа уште во 1980-тите, па таа порасна со мајка ѝ и очувот Курт Расел.

А, Курт Расел важи за еден од најдобрите холивудски актери.

„Кејт Хадсон е одлична актерка. Луѓето не ја сфаќаат сериозно бидејќи има снимено неколку романтични комедии, но е многу талентирана“.

Маја Хок

Маја Хок се прослави со улогата во серијата Stranger Things.

Младата актерка е ќерка на Ума Турман и Итан Хок, а мајка ѝ има изјавено дека пробала да ја спречи да стане актерка.

Но, безуспешно.

„Маја Хок е многу талентирана. Проблемот е што луѓето ја споредуваат со мајка ѝ. Маја уште е млада, но веќе има импресивна кариера“.

Николас Кејџ

Николас Кејџ е дел од „кралското семејство на Холивуд“ – Копола.

Од семејството Копола потекнуваат бројни таленти во филмската индустрија, како режисерите Френсис Форд и Софија Копола.

Николас Кејџ одлучил да си го промени презимето бидејќи не сакал да го поврзуваат со славното семејство и сакал сам да остави белег во индустријата.

„Николас Кејџ дури и си го промени презимето. Тој дефинитивно е актер на кој не му пречи да се соочи со неуспех додека го прави она што го сака“.

Мајкл Даглас

Мајкл Даглас има импресивна актерска кариера, но и тој се пробил благодарение на неговите родители.

Татко му Кирк Даглас е една од најголемите ѕвезди од старите вестерн филмови.

А, актерот очигледно го наследил талентот од него.

„Мајкл ми е омилен актер и е одличен во која било улога! Апсолутна легенда во филмската индустрија“.

Продолжува на следната страница...