Беше во затвор за убиство, мајка му го киднапирала: Трагичниот живот на најстариот син на Марлон Брандо

Детали

сабота, 19 април 2025

Првпат пробал дрога на само 13 години, помина 5 години во затвор за убиство и умре во сиромаштија – и покрај привилегиите, првото дете на Марлон Брандо се соочило со многу трагедии и проблеми.

Марлон Брандо имал вкупно 11 деца кои поради неговата професија, сепак пораснале со привилегии.

Но, и покрај тоа што бил син на еден од најпознатите глумци на сите времиња, првото дете на Марлон – Кристијан Брандо – се соочувал само со трагедии и проблеми.

По смртта на татко му, тој го наследил неговото богатство, но наместо да се обиде да направи нешто од себе, Кристијан остана запомнет како убиец.

Неколку детали за тажниот живот на Кристијан Брандо:

Наводно бил крстен по љубовницата на татко му

Кристијан е син на Марлон и неговата прва сопруга Ана Кашфи.

Актерот не ѝ бил верен на сопругата, а имал и афера со француската актерка Кристијан Марканд.

И, таа била убедена дека Марлон го избрал името Кристијан поради љубовницата.

Поради ова, никогаш не му се обраќала со Кристијан.

Разводот на неговите родители бил бурен

Една година откако се родил Кристијан, Марлон и Ана се развеле, но битката за старателство траела многу долго.

Пет години по разводот, Кристијан живеел со мајка му, но бидејќи таа имала проблеми со дрога и алкохол, старателството ѝ било одземено.

Додека траела целата драма со битката за старателство, Кристијан живеел кај тетка му и наместо родителите, за него се грижеле дадилки.

Додека мајка Ана му водела битка со своите пороци, татко му немал многу време за него бидејќи веќе добил и други деца и имал бројни афери.

Бил киднапиран, наводно по наредба на мајка му

Додека да наполни 13 години, старателство над Кристијан имал татко му Марлон. Но, тој сепак живеел во интернат во Лос Анџелес.

Овој период, додека татко му работел на филм во друга држава, мајка му наводно го зела од интернатот, и заедно со нејзин пријател го однела во Мексико.

Го оставила Кристијан во хотел во нејзиниот пријател и се вратила во САД.

Кога повторно отишла во Мексико по него, Кристијан и мажот не биле во хотелската соба и Ана отишла во полиција со тврдење дека син ѝ е киднапиран.

Тогаш Марлон најмил приватен детектив кој го нашол Кристијан во шатор со неколку мажи и жени.

Луѓето кои биле во шаторот тврделе дека Ана им платила за да го скријат детето.

По овој инцидент, Марлон добил целосно старателство над Кристијан.

Продолжува на следната страница...