Ромео Бекам ја замени бившата Миа со девојка од моќно семејство – Сака да позира гола, работи како фотограф

Детали

среда, 16 октомври 2024

Новата девојка на Ромео Бекам е ќерка на најпознатиот моден фотограф, а и самата ја има истата професија. 23-годишната девојка се дружи само со познати личности, а има фотографирано ѕвезди како Ријана и Џеј Ло.

Откако раскина со Миа Реган по пет години врска, Ромео Бекам си фати нова девојка.

22-годишниот син на Дејвид и Викторија Бекам неколкупати беше забележан со ќерката на познат фотограф.

Деновиве, тие ја потврдија врската, откако споделија неколку бакнежи во јавност.

Новата девојка на Ромео, Греј, е ќерка на еден од најпознатите фотографи во Холивуд – Марио Соренти.

Татко ѝ има соработувано со најголемите имиња и брендови од светот на шоу-бизнисот, како Кејт Мос и Calvin Klein.

Следејќи ги стапките на татко ѝ, и 23-годишната Греј е фотографка со импресивно портфолио.

Таа има фотографирано ѕвезди како Хејли Бибер, Мајли Сајрус, Ријана и Џеј Ло, но тврди дека татко ѝ не ѝ помогнал во кариерата:

„Не станав фотографка бидејќи татко ми е фотограф.

Да, тоа што пораснав во семејство кое успеало во светот на модата ми дава некаква привилегија.

Но, на крај, секој може да препознае дали имаш талент. Бидејќи без талент, не можеш да стигнеш далеку“.

Греј учела во елитно приватно училиште, каде што се дружела со децата на познати личности, како ќерката на Ума Турман.

Почнала да фотографира на 13-годишна возраст, а додека да заврши средно, веќе направила неколку големи рекламни кампањи за брендови како Yves Saint Laurent.

Греј има над 124.000 следбеници на Инстаграм, а покрај фотографиите од нејзините кампањи, сака да споделува и свои фотки на кои честопати е гола.

Првите гласини за Ромео и Греј се појавија во септември, откако беа забележани заедно на Модната недела во Париз.

Самите се немаат огласено за врската, но од фотките од изминатава недела, јасно е дека се пар.

Бекамови немаат спомнато ништо за новата девојка на Ромео, а познато е дека Викторија многу ја сакаше неговата бивша Миа.

Иако се шпекулираше дека можеби ќе се смират, се чини дека Ромео сепак ја преболел.

Сепак, и Дејвид и Викторија одамна се познаваат со таткото на Греј, а наводно и со неа.

Повеќе фотки од парот во продолжение:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело