Дома го чувала мртвото тело на син ѝ кој се самоуби – Потресни детали од мемоарите на Лиза, ќерката на Елвис Присли

Детали

среда, 09 октомври 2024

Кога имала само 10 години, дечкото на мајка ѝ ја допирал по телото, а кога проблемот со зависност ѝ бил најлош, Лиза пиела и по 80 опијати дневно…

Во вторникот (07.10) беа издадени мемоарите на ќерката на Елвис Присли – Лиза Мари Присли.

Лиза почина минатата година, на 54-годишна возраст, па мемоарите ги доврши нејзината ќерка Рајли Кио.

Во книгата, Лиза открива нови детали од нејзиниот бурен и тажен живот, а зборува и за нејзината зависност, смртта на татко ѝ, како и самоубиството на син ѝ Бенџамин.

Дел од потресните факти изнесени во искрената книга на Лиза:

Очекувала татко ѝ Елвис Присли да умре

Лиза имала само девет години кога го изгубила татко ѝ.

Во мемоарите, таа опишува неколку инциденти кои ја натерале да стравува за неговиот живот – еднаш го нашла без свест на подот во бањата.

На денот на неговата смрт, веќе ѝ било јасно дека ќе го изгуби и отишла во нејзината соба да запали цигара.

Во тој момент, дедо ѝ влегол во собата и ѝ кажал дека Елвис починал.

„Животот што го знаев дотогаш заврши. Тој е мртов и сега јас сум заглавена со неа (мајка ѝ Присила)“, пишува Лиза.

Дечкото на мајка ѝ сексуално ја малтретирал со години

По смртта на Елвис, Присила Присли почнала врска со моделот и актер Мајкл Едвард, кој сексуално ја вознемирувал.

Тогаш Лиза имала само десет години.

„Еднаш влезе во мојата соба среде ноќ. Ми рече дека ќе ми покажел што ќе се случи кога ќе пораснам.

Ми ја стави раката на градите и ми рече дека мажите ќе ме допирале таму.

Потоа ми ја стави раката меѓу нозете и ми рече дека ќе ме допирале и таму“, пишува Лиза.

Таа и кажала на мајка си која, пак, го натерала дечко ѝ да ѝ се извини.

Но, малтретирањето продолжило.

Ја допирал и ја удирал по задникот, а кога Присила го прашувала за инцидентите, тврдел дека Лиза флертувала со него.

Мајка ѝ ја однела во центар за славни личности на скиентолошката црква

Односот на Лиза и Присила само се влошувал по смртта на Елвис.

Па, кога била тинејџерка, Лиза била испратена во скиентолошки центар за познати личности.

„Првото утро во центарот, му се јавив на мојот дилер и поканив шест-седум луѓе. Не спиевме четири дена“, пишува Лиза.

Сепак, таа вели дека на некој начин, скиентологијата ѝ помогнала бидејќи таму се чувствувала прифатено.

Продолжува на следната страница...