Бившата сопруга на Бил Гејтс раскинала со контроверзниот дечко, еден ден откако се појави со свршенички прстен

Детали

четврток, 25 април 2024

Мелинда Гејтс беше фотографирана од папараци со огромен свршенички прстен. Додека сите светски таблоиди шпекулираа дека милијардерката ќе стапи во брак со контроверзниот новинар со кого се гледаше речиси 2 години, таа објави дека раскинале. Што знаеме за скандалозниот поранешен партнер на Мелинда?

Во повеќето светски медиуми беа објавени фотките на кои се гледа како поранешната сопруга на Бил Гејтс, Мелинда (59) се шета со огромен веренички прстен на рацете, а речиси сите побрзаа да коментираат дека е веројатно таа да стапи во брак со нејзиниот дечко, контроверзниот ТВ спикер и новинар Џон Ду При (65).

Сепак, нејзиниот портпарол излезе и информира дека Мелинда не е верена, ниту пак дека е во врска со споменатиот спикер.

Џон Ду При беше поранешен припадник на мормонската христијанска црква во САД, а гласините дека се гледа со Мелинда започнаа да кружат уште во 2022-ра година, кога парот за првпат беше забележан заедно на спортски натпревар.

Многумина беа изненадени од оваа врска, затоа што Џон во голема мера се разликува од нејзиниот поранешен сопруг Бил Гејтс, а познато е дека Џон има и проблематично минато.

Тој 9 години водеше судска битка со поранешната сопруга, Цина Ларсен, заради неплатена алиментација за децата.

Со неа тој има три деца, синовите Кејси и Џони, како и ќерката Џеси, а сите тројца веќе го завршиле и високото образование.

Поранешната сопруга на Џон Ду При

Синот Кејси во една пригода ја величаше мајка си и велеше дека мајка им била вистинско чудо, затоа што сама успеала да ги израсне и да ги образува децата, благодарение на нејзината неверојатна етика.

Она што го прави нивниот татко контроверзен е тоа што во 2000-та година тој објави мемоари насловени The Prodigal Father: A True Story of Tragedy, Survival and Reconciliation in an American Family.

Тој во нив призна дека целиот свој живот имал проблеми со гневот затоа што како дете бил напуштен и занемаруван од татко му кој бил адвокат и поранешен агент на ФБИ, кој имал задача да ги шпионира членовите на комунистичката партија во Холивуд во 50-тите години на минатиот век.

Џон признава дека во еден миг во излив на гнев вербално ѝ се истурил на поранешната сопруга која била бремена во седмиот месец.

„Таа се омажи за мене мислејќи дека може да ме спаси. На почетокот на бракот сфати дека нешто не е во ред со нејзиниот сопруг, чијшто гнев еруптираше секојпат кога ќе ме коригираше или ќе ме критикуваше за нешто, па дури и тогаш кога ќе се почувствував инфериорно заради нешто љубезно што таа го направила за мене.

Во годините што ги поминавме заедно, таа мораше да научи како внимателно да се справува со мене. Таа се навикна постојано да биде губитник во сите расправии, да биде понижувана пред пријателите, да ја презема вината за сè што е погрешно“ – напиша тој.

Сепак, иако јавно зборуваше за своите проблеми и демони, Џон не успеа да си го спаси бракот. Во 2005-та година Џина поднесе документи за развод и побара целосно старателство над децата.

За потсетување, Мелинда се разведе од Бил во 2021-ва година. Подоцна таа призна дека тоа што Бил се нашол поврзан со скандалите на осудуваниот педофил Џефри Епстин одиграло голема улога во нивниот развод.

Прочитајте и Бил Гејтс (67) има нова девојка, 2 години по разводот од Мелинда и аферата со колешка од Microsoft: „Неразделни се“

Б. С. Б. | Црнобело