Беше секс симбол на својата генерација, се разведе по 5 месеци брак, па исчезна од јавноста: Се сеќавате ли на Чад Мајкл Мари?
- Детали
- сабота, 04 ноември 2023
„Кога се разведов од Софија Буш, мислев дека веќе нема да сакам никого. Разводот ме погоди силно“, изјави во една пригода актерот Чад Мајкл Мари, кој во 2000-тите важеше за најголемиот секс симбол на својата генерација.
Откако се прослави со сериите One Tree Hill и Gilmore Girls, Чад Мајкл стана најголемата тинејџерска ѕвезда на својата генерација.
И покрај славата и турбулентниот љубовен живот, овој 42-годишен актер (роден на 24.08.1981) денес живее мирен семеен живот со сопругата и своите три деца.
Во тоа време му предвидуваа голема холивудска кариера, но тој снима само повремено, а популарноста и славата не го интересираат.
Кога во 2003 година се прослави со улогата на Лукас Скот во мегапопуларната серија One Tree Hill, Чад беше во љубовна врска со актерката Софија Буш.
Таа во истоимената серија го глумеше ликот на Брук Дејвис, па обожавателите беа воодушевени кога дознаа дека нивната омилена љубовна двојка од серијата е заедно и во реалниот живот.
По само неколку месеци романса, тие се венчаа, но љубовната идила траеше само 5 месеци, по што Софија потоа поднесе барање за развод.
Таа тогаш за медиумите изјави дека се чувствува целосно скршена бидејќи мислела дека никогаш нема да се разведе.
„Бевме глупави деца кои не требаше ни да бидат во врска, а камо ли да се венчаат“, изјави Софија во 2018 година.
Чад Мајкл неколку години подоцна призна дека разводот силно го погодил и дека во тоа време мислел дека никогаш повеќе нема да сака никого.
По неа, актерот беше во љубовна врска со Кензи Далтон.
Иако блиските, но и фановите, очекуваа да се венчаат, тие раскинаа по седумгодишна врска.
На крајот среќата ја најде покрај својата колешка, Сара Ромер, со која се ожени во 2015 година.
Истата година го добија првиот син. Во 2017 им се роди и вториот син, а во август 2023 парот откри дека им се роди ќерка.
Во меѓувреме, Чад Мајкл му се врати и на актерството.
Од 2020 до 2022 сними четири акциони филмови со Брус Вилис, но и неколку романтични филмови.
Во 2023 тој повторно стана актуелен со серијата Sullivan’s Crossing.
Долго време Чад го нарекуваа секс симбол на една генерација.
И иако повеќе не се појавува толку често во јавноста, сепак е убав како и пред 20 години, кога почна да се прикажува One Tree Hill, со руса коса и прекрасни сини очи.
Повеќе фотографии од Чад Мајкл Мари на следната страница...
Би можело да ве интересира:
Препорачуваме
Најчитани неделава
