Кајли Џенер се бакнува со Тимоти Шаламе на концерт – таинствениот пар ја потврди врската по 4 месеци гласини (фото)

Детали

среда, 06 септември 2023

Првите гласини за врската на Кајли Џенер и актерот Тимоти Шаламе се појавија уште во април, но сè досега, ниту еднаш не беа забележани заедно, по што станаа познати како „најтаинствениот пар во шоу-бизнисот“. Кајли и Тимоти беа на концерт на Бијонсе каде се прегрнуваа и бакнуваа.

По гласините кои кружат веќе неколку месеци, Кајли Џенер и Тимоти Шаламе конечно ја потврдија нивната врска.

Актерот и младата богаташка заедно присуствува на концертот на Бијонсе, а споделуваа и бакнежи.

Тимоти Шаламе е еден од најталентираните млади актери кој досега се има појавено во филмови како Interstellar, Dune, Call Me by Your Name, The King и Don’t Look Up.

Кајли Џенер од 2017-та година беше со Тревис Скот со кого има и две деца. Парот раскинуваше и се смируваше многупати, а наводно во јануари годинава се разделиле „засекогаш“.

Според гласините, набрзо потоа Кајли го запознала Тимоти Шаламе.

Во март, и двајцата присуствува на забавата по Оскарите, но не беа фотографирани заедно.

Веќе следниот месец, во април, се појавија првите гласини за нивната врска.

Некои (анонимни) извори тврдеа дека ги виделе заедно уште на почетокот од годината, а наводно заедно биле и на музичкиот фестивал Coachella.

Овој период, и автомобилот на Кајли беше забележан пред домот на актерот.

Магазинот Us Weekly сподели дека тој период не биле официјално во врска:

„Кајли има излезено со Тимоти само неколкупати, па нивната врска не е многу сериозна. Сепак, сака да го запознае подобро и сака да види кон каде ќе се движат работите.

Уште се на почетокот, па тешко е да се каже, но досега ѝ се допаѓа она што го гледа“, вели извор за магазинот.

„Тимоти е вистински џентлмен и ја третира Кајли со почит. Многу е шармантен и лесно е да се разговара со него.

Тој не е како ниту еден бивш дечко на Кајли и иако изгледа како да не е нејзин тип, хемијата меѓу нив е прекрасна“, додава изворот.

Слични гласини од разни извори беа споделувани и наредните неколку месеци – Тимоти и Кајли се заедно, но не се во сериозна врска.

До почетокот на летото, веќе беа познати како „најтаинствениот пар од светот на шоу-бизнисот“.

На почетокот од август, почнаа да се шират и други гласини – Кајли и Тимоти наводно се разделиле.

Сепак, набрзо потоа Кајли повторно беше забележана пред домот на Тимоти, а еден извор изјави дека поминувала многу време кај него – дури и по шест дена неделно.

Конечно, во септември, тие првпат беа фотографирани заедно на концерт на Бијонсе.

И, потврдија дека се пар со прегратките и бакнежите на концертот.

Mark your calendars: On Beyoncé’s 42nd birthday, Timothèe Chalamet and Kylie Jenner made their public debut at SoFi Stadium to see Bey’s Renaissance stop on Sept. 4. Where there’s smoke… 🔥 pic.twitter.com/NUUkqIY8vi

— Chris Gardner (@chrissgardner) September 5, 2023

Спирова С. | Црнобело