Почина во раце на братот Хоакин Феникс, растеше во секта: Факти за Ривер Феникс (23) миленикот на тинејџерките во 90-тите

Кој е Ривер Феникс?

Роден е на 23 август 1970 година во градот Мадрас, во американската држава Орегон.

Освен братот Хоакин и сестрата Рејн, тој имал уште три сестри – Самер, Либерти и Џордин.

Пораснал во култот „Божји деца“ - секта која поттикнува сексуални односи помеѓу возрасните и децата, како и групен секс и инцест.

Родителите на Феникс наводно дознале што се случува кога тој имал три години и решиле да го напуштат култот, па се преселиле на Флорида.

Таму го промениле презимето од Ботом во Феникс, по птицата феникс од египетската митологија, која гори по циклусот на животот, а од пепелта излегува млад феникс.

На овој начин сакале да го одбележат својот нов почеток.

Децата ги школувале дома, па кога Ривер првпат се сретнал со „надворешниот“ свет и славата, тешко се справил со притисоците на околината.

„Како што растеше, сè повеќе беше свесен дека за него фантазираат девојки од целиот свет и дека неговата слика се наоѓа на постери над нивните кревети. Честопати велеше дека сака да е непознат, но никогаш не бил.

Кога не глумеше, беше мисионер. Тој всушност имаше цел во животот, беше лидер, но од друга страна го изеде самотијата“, изјави неговата мајка по трагичната смрт на нејзиниот син.

Ривер беше икона на своето време, актер кому му предвидуваа одлична и успешна кариера.

Сними неколку филмови, од кои најпознати беа Stand by Me (1986) и My Own Private Idaho (1991) каде што глумеше со Кијану Ривс.

Почина на 31 октомври 1993 година.

А. Ј. | Црнобело