Гласини дека му бил дечко на Карл Лагерфелд, беа блиски сѐ до неговата смрт – Кој ќе ги наследи милионите на познатиот дизјанер?

Детали

сабота, 29 април 2023

„Тој сакаше да ме посвои, но процесот околу собирањето документи беше премногу тежок“ – тврди младиот модел Батсист Џиабикони за кого се смета дека ќе го наследи најголемиот дел од милионите на Карл Лагерфелд. Каква била нивната врска додека популарниот дизајнер беше жив?

Модниот дизајнер Карл Лагерфелд почина во февруари 2019-та година, на возраст од 85 години, по компликации настанати заради ракот на црниот дроб од кој боледуваше.

Поминаа 4 години од неговата смрт, а сѐ уште не се знае точно кој ќе ги наследи милионите што тој ги остави на својата сметка.

Првично се коментираше дека парите ќе одат на сметката на белата мачка Шупет, но сега BBC направи документарен филм насловен The Mysterious Mr Lagerfeld кој се осврнува на животот на генијалниот моден дизајнер, но и на тајните поврзани со поделбата на богатството вредно над 100 милиони евра.

Освен големата сума пари, Карл зад себе остави и повеќе имоти, како имотот во Биариц и вилата во околината на Париз, каде наводно никогаш не спиел.

Огромниот стан на Лагерфелд во Париз сѐ уште е затворен, а адвокатите во Париз и Монако 4 години водат преговори за тоа кому треба да му припадне богатството.

Се смета дека богатството и покрај сите шпекулации, најверојатно ќе го наследи 33-годишниот француски модел Батист Џиабикони.

Тој во документарниот филм потврди дека верува дека бил на врвот на листата наследници, па дури откри дека Лагерфелд во еден период сакал и да го посвои:

„Тој сакаше да ме посвои, но процесот околу собирањето документи беше премногу тежок, имаше премногу чекори што требаше да се направат“.

Џиабикони за време на животот му бил муза на Лагерфелд, а младиот модел вели дека нивниот однос наликувал на односот меѓу татко и син.

Тие двајца беа мошне блиски кон крајот на животот на дизајнерот, а многумина шпекулираа дека имале и интимна врска.

Веднаш по смртта на Лагерфелд, Џиабикони ги отфрли ваквите тврдења, па рече:

„Можам да ви гарантирам дека ако имав секс со Карл или ако имав романтична врска со него тоа ќе завршеше мошне брзо. И уште нешто: кој би ја именувал својата ку**а во тестаментот?

Ние имавме пријателство што траеше со години затоа што не се засноваше на каква било еротска или подвоена сексуална поврзаност.

Нашиот однос се засноваше на две работи, што ги држевме одвоени: работата, каде истражувавме многу работи во поглед на фотографиите, и нашата поврзаност како татко и син“.

Џиабикони и Лагерфелд се запознале во 2008-ма година, кога модниот дизајнер веднаш го забележал младиот модел и одлучил да го направи заштитно лице на Chanel.

Заради тоа што Лагерфелд му обезбеди брз развој на поле кариера, многумина шпекулираа дека младиот Батист му е дечко на дизајнерот и дека успеал да напредува благодарение на нивната интимна и сексуална врска.

Се верува дека Џиабикони на Лагерфелд му ја подарил снежно белата мачка Шупет, за која се веруваше дека може да стане еден од најбогатите миленици на светот.

Б. С. Б. | Црнобело