На 16 години се предозирала со опојни супстанци, денес е мајка и сопруга за пример – Бурното минато на Пинк, пред да стане славна

Детали

петок, 14 април 2023

На 15 години мајка ѝ ја избркала од дома, затоа што не можела да се справи со нејзиниот бунтовен карактер. На 16 години Пинк се предозирала од опојни супстанци, а потоа целосно го променила животот. Денес таа има успешна музичка кариера и идиличен семеен живот со сопругот мотоциклист и со двете деца.

Пинк е светски позната пејачка која во моментов има 43 години. Таа е мајка на две деца и сопруга на мотоциклистот Кори Харт со кого е во брак од 2006-та година.

Таа неодамна откри дека била мошне нервозна заради мајчинството, но дека со текот на времето се вљубила во улогата.

„Не знаев дали ќе имам семејство. Не можев себеси да се замислам во таа улога, затоа што мислев дека ќе бидам ужасна мајка.

Но, мајчинството е нешто најдобро што сум го направила, навистина, вџашена сум од фактот колку станав одговорна како личност“ – рече таа.

Денес Пинк е мајка и сопруга која се труди да биде истовремено успешна и на поле кариера, а ако се земе предвид нејзиното бурно минато, јасно е зошто пејачката вели дека и самата себеси не се препознава.

Во продолжение неколку интересни факти за Пинк што можеби не сте ги знаеле:

Пинк е родена на 8-ми септември 1979-та година како Алиша Бет Мур во семејство на воен ветеран и медицинска сестра. Татко ѝ ги напуштил кога Пинк имала само седум години, но таа вели дека тој ѝ бил идол додека растела, затоа што бил мошне бунтовен и бестрашен, а исто така свирел гитара и пишувал песни.

Во една прилика Пинк откри дека татко ѝ бил злоупотребуван како дете, дека одел во католичко училиште, а потоа се пријавил во војната во Виетнам за да побегне од злоупотребувањата.

Татко ѝ вежбал карате, имал познавања од други борбени вештини, а пејачката откри дека пораснала со ракетни проектили во домот, но и дека додека растела сакала да биде како него.

На возраст од 7 години Пинк одела со татко ѝ на состаноци каде се собирале преживеаните војници од Виетнам и честопати ги слушала нивните трагични приказни, што воопшто не било лесно за девојче на таа возраст.

На возраст од 4 до 12 години се занимавала со гимнастика, а на 14 години ги напишала првите песни и веќе во истиот период имала редовни настапи во ноќен клуб во Филаделфија.

Пинк е премногу отворена за сопственото бурно минато, па призна дека на само 10 години ја пробала првата цигара, а потоа почнала да консумира алкохол и опојни супстанци, што ќе доведе на возраст од само 16 години да се предозира со дроги, по што решила целосно да го промени животот.

Продолжува на следната страница...