Виталиа имплементира Контролинг – современ пристап што го менува начинот на водење бизнис

Детали

среда, 16 април 2025

На 5тата Контролинг Конференција, организирана од Контролинг Бизнис Центар, која се одржа во Хилтон, Скопје, Виталиа го претстави својот пат кон деловна трансформација преку контролинг системот – алатка што го редефинира начинот на водење бизнис и поставува нови стандарди во управувањето со ресурси, финансии и процеси.

Овој стратегиски проект, кој активно се имплементира веќе две години, претставува фундаментален чекор во унапредување на ефикасноста, транспарентноста и резултатите во работењето. Контролингот не е само техничка алатка – туку суштинска промена во културата на работење.

Виолета Јосифовска, менаџер за Контролинг во Виталиа, имаше чест да го презентира искуството на Виталиа пред стручната јавност, преку реални податоци и примери од производството и финансиското управување, претставувајќи ја компанијата како пример за успешно работење.

„Контролингот е еден од највлијателните процеси во нашето стратешко унапредување. Тоа не е еднократна активност, туку континуиран процес кој нè учи како преку податоци и анализа да донесуваме подобри одлуки.“ -  изјавија од Менаџментот на компанијата.

„Горди сме што нашата приказна беше препознаена како пример за тоа како модерната прехранбена индустрија може да расте преку знаење, технологија и посветеност.“

Контролингот овозможува прецизно буџетирање, анализа на трошоци, следење на индикатори за успех и долгорочно стратешко планирање. Тој е мостот што ги поврзува операциите со визијата на компанијата.

Контролинг Бизнис Центарот е најрелевантната институција во земјава посветена на развој на контролинг култура и едукација на кадарот во оваа област. Преку организирање на годишни конференции, обуки и консултации, Центарот има клучна улога во подигање на свеста за значењето на контролингот во македонскиот бизнис-контекст.

Контролинг Конференцијата е водечка платформа за размена на искуства, идеи и иновации, каде што се претставуваат најдобрите практики од компаниите што го движат економскиот напредок.

Како дел од својата поширока трансформација, Виталиа продолжува активно да инвестира во дигитализација, едукација на тимот и имплементација на најдобрите светски практики во управувањето.

Со оваа иницијатива, Виталиа уште еднаш докажува дека не само што чекори со времето – туку и го поставува темпото во прехранбената индустрија.