„Макпетрол” најуспешен на Државното карате првенство за сениори/ки

Детали

понеделник, 31 март 2025

Во Скопје викендов се одржа Државното карате првенство за сениори. Најуспешна екипа е Македонскиот најтрофеен карате клуб ”Макпетрол”- Скопје ,  со вкупно освоени 9 (девет) медали – 5 златни, 3 сребрени и 1 бронзен, втор е Олимпик спорт 2007 9 (4-3-2) и на трето место е Сансаи Метал Апостолов 4 (2-1-1).

По четири медали освоија и Штип, Башкими и Фунакоши Гичин (1-1-2).

Шампиони на Македонија од Карате клубот “Макпетрол” се:

1. Симона Заборска -55 кг, златен медал
2. Ангела Мојсовска -68 кг, златен медал
3. Петар Спасеновски -84 кг, златен медал
4. Стефан Стојанович +84 кг, златен медал
5. Борби екипно мажи - Макпетрол - златен медал тим во состав:(Петар Заборски, Петар Спасеновски, Стефан Стојанович, Данило Божович и Спасо Илиевски)

Сребрени медали освоија:

6. Викторија Јовановска -61 кг, сребрен медал
7. Данило Божович +84 кг сребрен медал
8. Борби екипно жени , сребрен медал тим во состав:( Симона Заборска, Ангела Мојсовска, Викторија Јовановска и Јована Мицовска)

Бронзен медал:

9. Јована Мицовска -61 кг Бронзен медал

Машкиот тим на “Макпетрол”

             Женскиот тим на “Макпетрол”

Државното првенството е најважно првенство во текот на годината, и затоа имаше изборен карактер за дресот на Македонската сениорска карате репрезентација која треба да настапи на следното европско првенство.

Тренерот на Макпетрол Бошко Заборски изјави: За ова првенство имаме многу сериозни Забелешки на делењето на судиската правда. Многу судиски одлуки неправедно беа досудени во наша штета. Неколку пати во текот на првенствата во неколку борби за медал, кога не беа досудени поени за нас, судиите на побараното прегледување (Ревју) на снимките од наша страна, одговараа дека од поставените камери наводно не се гледа дали е поен или не е поен техника и не ги прифаќаа нашите по правила дозволени тренерски реакции.  Ова не е нов момент за нас, ние се бориме со оваа ситуација скоро две децении, стварно не знаеме која е причината и зашто одредени судии, немаат исти критериуми кога е во прашање досудување на поени за клубот и спортистите од Макпетрол.

Следната недела има натпревар во Плеј офф , кога освојувачите на медали (првите четворица), во борба секој со секого, ќе треба да се изборат за конечниот влез во репрезентацијата. Се надеваме дека судиската организација ќе се консолидира, ќе ги исправи аномалиите и ќе постапува непристрасно, како што доликува на нивните судиски звања кои ги поседуваат.