Ештон Кучер ја уништи, го молеше за пари: Како Деми Мур се врати на нозе, по скандалозниот брак?

Падот на Ештон Кучер

По разводот со Деми Мур, на Ештон извесен период му одеше добро.

Но, во изминативе неколку години, како да си го замени местото со Деми, па сега не само што нема ангажмани, туку се соочува и со контроверзии.

Најпрво, тој и сопругата Мила Кунис го поддржаа колегата Дени Мастерсон од серијата That 70's Show.

Дени беше обвинет за силување, за што моментално е во затвор.

Но, пред пресудата, тие беа убедени дека жртвата лаже.

„Во 25-те години што се дружиме, Дени никогаш не ме излажал. Дени е личност која е секогаш овде кога ти треба.

Тoј не е добар само со мене, сум сведочел дека е добар и со други и дека е пријател што секој би бил среќен да го има“.

Кога вината на Дени беше докажана, Ештон и Мила снимија видео во кое се извинуваат, но и ова беше критикувано.

Со цел да си ги спасат кариерите, и двајцата почнаа да се држат настрана од јавност.

Сепак, проблемите за Ештон не завршија бидејќи набрзо потоа се појави видео од него на кое тој недолично коментира за Хилари Даф која тогаш имала само 15 години.

„Сите чекаме да наполни 18 години, исто како близначките Олсен“, вели актерот кој тогаш имал 25 години.

Откако Пи Диди беше уапсен, фокусот се сврти на неговото пријателство со Ештон.

Па, почна да се шпекулира дека актерот бил свесен за злосторствата на раперот, но одлучувал да молчи.

Новиот успех на Деми Мур

По разводот од Ештон, Деми имаше неколку улоги со кои не се истакна многу.

Но, улогата во The Substance како да ја врати на нозе.

Филмот иако контроверзен, доби одлични критики, а некои му предвидуваат и Оскар.

И, на Деми ѝ донесе Златен глобус.

„Шокирана сум. Долго време го работам ова, повеќе од 45 години, и ова е првпат да добијам награда како актерка.

Трогната сум и благодарна“, изјави Деми за наградата.

А, за победата на Деми, славеа и фановите:

„Деми Мур добива Златен глобус додека Ештон Кучер седи дома без обврски и ангажмани – е, тоа е правда!“, гласи еден од бројните коментари на Твитер.

Спирова С. | Црнобело