Зголемете ја својата EQ

Ако претходно го изигравте тестот за одредување на вашата емоционална интелигенција и добивте идеја каде стоите на тоа прашање, на ред се...

 

... техниките за тоа како да го зголемите ова ниво. Доколку пропуштиве да прочитате повеќе околу емоционална интелигенција и сакате да го направите тестот, кликнете овде.

- Научете да ги препознавате чувствата

Постојано објаснувајте си ги сопствените чувства. Почесто запрашувајте се „како се чувствувам?“, а доколку чувствувате цел куп на различни емоции, раздвојте ги и потоа рангирајте ги. Но никогаш немојте да ги прикажувате во поголем или помал интензитет од она што го чувствувате.

- Превземете одговорност за своите чувства

Немојте да барате надворешни објаснувања за вашите чувства или постојано да се прикажувате како жртва. Препознајте што чувствувате, и потрудете се да сфатите зошто го чувствувате токму тоа.

- Предвидете ги своите чувства

Научете однапред да предвидувате како ќе реагирате по извесни случувања или активности. Избегнувајте да правите работи кои ќе ви инспирираат негативи чувства.

- Прашајте ги другите како се чувствуваат

Не можете да знаете како некој се чувствува доколку не го прашате, освен ако немате особено добро развиена емпатија. Во секој случај, мора прво  да ги сфатите за да можете да сочувствувате со нив. Слушајте ги внимателно и без предрасуди.

- Бидете помалку чувствителни

Доколку некој каже нешто со што вие не се согласувате, немојте веднаш да се повлекувате или напаѓате. Ваквите реакции укажуваат само на фактот дека не сте во состојба да се справувате со критиките. Наместо тоа, заблагодарете се на искреноста, и сконцентрирајте се на вредноста на нивните коментари.

- Целосно согледувајте ги проблемите

Кога ќе ви се случи нешто лошо и ќе помислите дека сите бродови ви потонале, размислете за тоа колку е всушност вашиот проблем сериозен. Колкава ќе биде неговата важност за десет години? Десет месеци? Десет недели? Десет минути?