Промоција на првата книга на Маја Симоновска – „Сенката што ме чува“

Детали

вторник, 15 април 2025

Со огромна радост ве покануваме на едно незаборавно книжевно дружење со нашата нова ѕвезда на книжевното небо!

На 25.04.2025 (петок), во 18:00 часот, ве пoкануваме на средба со авторката Маја Симоновска и потпишување на нејзината прва книга „Сенката што ме чува“ во топлата атмосфера на Метаноја Литературно Кафе - Центар!

Маја Симоновска е нова ѕвезда на книжевното небо, свеж, храбар и талентиран глас кој заслужува да биде чуен.

Нејзиниот дебитантски роман СЕНКАТА ШТО МЕ ЧУВА“ е крими-романса која маѓепсува уште од првата страница! Маја успева мајсторски да ги спои напнатоста и хуморот, љубовта и мистеријата, создавајќи приказна што ќе ве држи будни до доцна во ноќта – и со насмевка и со трепет.

Подгответе се за љубов што се раѓа среде опасност. Хероини со став, и мажи кои знаат да сакаат… на свој начин.

Ова не е само романса. Ова е приказна што ќе ве насмее кога најмалку очекувате, ќе ве држи во неизвесност до самиот крај, и ќе ви остане во срце уште долго по последната страница.

Книгата е во издаваштво на издавачката куќа „Читај Книга“

Не ја пропуштајте шансата да бидете дел од оваа посебна вечер!

Книгата ќе биде достапна дента на промоцијата на 25.04.2025, и онлајн на веб страницата на издавачката куќа citajkniga.mk