Дарио ќе добие Златна Бубамара за трајни музички вредности!

Детали

четврток, 13 февруари 2025

Еден од најпопуларните македонски поп пејачи, Дарио Панковски кој неодамна прослави 40 години кариера ќе ја добие наградата за трајни музички вредности на популарната манифестација „Златна Бубамара на популарноста“.

Дарио својата кариерата ја почна во групата „Бон-тон“, има објавено и четири соло албуми, како и еден во живо.

Публиката која ќе биде пристуна на 28 издание на „Златна Бубамара на популарноста“ кое ќе се одржи на 19 февруари во Арената „Борис Трајковски“ ќе има можност да ужива во спектакуларен настап на Дарио збогатен со танчерите од танцовото студио „Dancers United“ и големиот оркестар на Бубамара.

По 40 години кариера во континуитет и безвременските хитови „Меѓу сите ѕвезди“, „Жена за сто години“, „Зајди јасно сонце“,  „Ладна како камен“, „Дупла вотка“,„Косоока“, „Здравје боже“, „Мајко моја родиме“,  „Која ли си ти“ и многу други се само потврда за музичкиот траен печат кој го остави Дарио изминативе години на нашата сцена.

Годинешниот слоган на манифестацијата е „Вештачка интелигенција за владата – природна забава за народот“.

Билетите се пуштени во продажба на https://mktickets.mk/ или во традиционална продажба во цвеќарницата „Розе Веро 2 – Тафталиџе.