Лени Кравиц ширеше љубов на концертот во Охрид: Слезе меѓу публиката, носеше чизми со леопард принт
- Детали
- понеделник, 05 август 2024
Лени Кравиц знае како да направи добра забава - тоа го покажа и на својот трет концерт во Македонија (втор во Охрид по оној во 2008-ма, а еднаш настапи и во Скопје во 2019-та). По концертот се дружеше со Каролина Гочева.
Светската ѕвезда Лени Кравиц, вчеравечер (04.08) одржа концерт во Охрид, за кој долго време ќе раскажуваат сите што беа таму.
Овој исклучителен артист вторпат настапи во македонскиот бисер, и иако има 60 години, беше енергичен и див на сцената.
Лени Кравиц знае како да направи добра забава. Тоа го докажа и вчера, на својот трет концерт во Македонија (втор во Охрид по оној во 2008-ма, а еднаш настапи и во Скопје во 2019-та).
Кравиц повеќе од час и половина не застана. Пееше, свиреше на гитара, комуницираше со публиката и ширеше љубов.
60-годишниот музичар е на турнеја на која го промовира новиот албум Blue Electric Lights, но за своите фанови не ги заборави ни најголемите хитови, кои му ја одбележаа кариерата - I Belong to You, It Ain’t Over ‘Till It’s Over, American Woman, Are You Gonna Go My Way и други.
Лени на сцената излезе облечен во својот препознатлив стајлинг, со огромни очила и кожена јакна.
Но, она што посебно падна во очи, беа каубојките на потпетица, со леопард принт.
Врв на вечерта, барем за оние во првите редови од фан питот, беше моментот кога американскиот музичар се симна меѓу публиката, па најсреќните имаа можност да направат селфи или да го допрат.
Меѓу оние кои имаа можност да ја запознаат светската ѕвезда, беше Каролина Гочева, која објави фотка со него.
Погледнете видеа од настапот на Лени Кравиц во Охрид:
А. Ј. | Црнобело / Фото: Инстаграм
Препорачуваме
Најчитани неделава
