Суперхикс својата прослава за 30-годишно постоење ќе ја продолжат на Градски стадион во Битола

Детали

вторник, 25 јуни 2024

На големата сцена пред публиката на Градски стадион, Битола ќе се појави и нашата најдобра македонска ска-панк група со реге, латино, и балкански музички влијанија - Суперхикс.

Не е ни чудно што оваа група се најде на листата ѕвезди кои ќе настапат на The Stars Symphony на 3 јули, имајќи предвид дека оваа година тие слават 30 години постоење.

Она што е интересно да се напомене за Суперхикс е дека првите синглови кои доживеа успех и ги направија Суперхикс популарни, меѓу кои е и песната Глупави песни, се снимени баш во Битола. Последниот пат кога Суперхикс имаа свој концерт во Битола беше во далечнате 2021 кога сеуште цел свет беше под Ковид протоколи.

Затоа, на 03 јули 2024, без протоколи, само со позитивен дух, Суперхикс доаѓаат повторно во Битола да ја освежат публиката на The Stars Symphony.

03.07.2024, 19:00, The Stars Symphony, Градски стадион, Битола.

Карти во продажба на следниот ЛИНК и во Тобако Димпо во Битола (Ленски Мост, Гроздот, и Новиот Пазар).

За повеќе информации за настанот, посетете ги профилите на Камерен Оркестар на Facebook и Instagram.