Позитивни коментари за изведбата на Андреа 2 дена пред главниот настап: „Ова е најдобрата песна“ (видео)
„Уште една беспрекорна изведба на Андреа, ова е најдобрата песна“ - ова се некои од коментарите што следеа по изведбата на нашата претставничка Андреа која синоќа настапи пред публиката во Eurovillage, по скандалот кој се случи на тиркизниот тепих и ја разлути јавноста.
Оние што не успеале да обезбедат билети за главниот настан на Евровизија 2022, имаа можност да ги погледнат изведбите на евровизиските претставници во рамки на програмата на Eurovillage.
Голем број евровизиски обожаватели во понеделникот (09.05) се собраа да ги погледнат настапите на Констракта, Андреа, Корнелија Јакобс, Жереми Макиезе.
Андреа на сцената се појави во малку поинаков стајлинг, а во приложеното видео можете да видите како звучеше нејзиниот настап:
Според порталот wiwiblogs изведбата на Андреа била беспрекорна, а во коментарите до видеото објавено на нивната Инстаграм страна може да се забележат повеќе позитивни коментари за песната, но и за изведбата.
Нашата евровизиска претставничка на Инстаграм профилот сподели сопствена фотографија до која напиша:
„Отворањето беше прекрасно. Да продолжиме да шириме љубов и позитивна енергија.“
Б. С. Б. | Црнобело
Би можело да ве интересира:
Препорачуваме
Најчитани неделава
