Најдоброто од Џастин Тимберлејк и неговата музичка еволуција

По 13-минутниот спектакл кој го направи Џастин Тимберлејк на овогодишниот Super Bowl 2018, 37-годишниот пејач и актер повторно се најде во центарот на вниманието.

По паузата од 5 години помеѓу двата последни издадени албуми тој се врати помоќен од кога било со Man of the Woods, кој воедно е и неговиот петти студиски албум со вкупно 16 песни.

Се чини дека времето на макарони-фризурата и неговиот бој-бенд NSYNC се одамна зад него.

Џастин еволуираше во сериозен музичар со свој сопствен стил, за кој секако многу придонесоа и продуцентите како Фарел Вилијамс и Тимбаленд.

Кои се најдобрите песни кои ги отпеа Џастин Тимберлејк досега?

Senorita

Секоро сечиј фаворит од првиот албум на Џастин насловен Justified од 2002 година.

Cry Me a River

Песна која исто така беше дел од деби албумот со многу озборуваниот текст и спот кој неодоливо потсетуваше на приказната со неговата поранешна девојка Бритни Спирс.

Rock Your Body

Успехот на првиот албум се заокружи со заразната Rock Your Body и танцувачките способности кои Џастин конечно ги покажа во полно диско светло.

SexyBack

Албумот FutureSex/LoveSounds од 2006 година најави нова ера и нов звук за Џастин Тимберлејк. За многумина ова е неговиот најдобар албум.

What Goes Around…/... Comes Around

Скоро 10-минутниот спот како мини филм со Скарлет Јохансон во главната улога покрај Џастин крена многу прашина, но не колку квалитетот и успехот на една од убедливо најдобрите песни на Тимберлејк.

Mirrors

Третиот студиски албум The 20/20 Experience од 2013 година го донесе огромниот хит Mirrors.

My Love

Уште еден хит кој потврди дека она што го прави Тимбаленд како продуцент е магија.

Tunnel Vision

Петтата песна од албумот The 20/20 Experience предизвика многу контроверзија со експлицитниот спот.

Losing my way

Уште една потврда зошто FutureSex/LoveSounds е маестрален албум.

Say Something

Фаворитот од последниот албум на Џастин е дует со кантри пејачот Крис Стејплтон. Спотот е снимен во еден непрекинат кадар, со изведба на песната во живо.

За најголемите обожаватели задолжително вреди да се споменат и Suit&Tie, Like I Love You, TKO, Dead and Gone, Summer Love, Carry Out, Can’t Stop The Feeling…

(О)Милена | Црнобело