Дали Сантана дал дозвола за „Wild Thoughts“ на Ријана и Калед?

Wild Thoughts е песната која месецов ја слушаме каде и да се движиме, а се наоѓа на албумот на DJ Khaled, во соработка со Ријана.

Како што ќе забележите од прва, семплот е од Сантана, односно од добро познатата „Maria Maria“ од 1999-та.

Што има Сантана да каже за преработката, 18 години подоцна?

„Постои причина зошто заразниот ритам кој го креиравме за Мариа Мариа сè уште одѕвонува до ден денес. Ви го допира срцето. Калед, Ријана и Брајсон го земаа тој ритам и му дадоа нова димензија во Wild Thoughts, но есенцијалните делови на песната сепак останаа недопрени.

Мариа Мариа беше и секогаш ќе биде таа летна песна која те расположува, а Wild Thoughts сметам дека е само продолжение на тоа летно чувство, кое ја прави песната безвременска.

Почестен сум што Калед, Ријана и Брајсон ja почувствуваа намерата на песната Мариа Мариа и ѝ го продолжија рокот.“

М. Д. | Црнобело