Џенифер Анистон и Дејвид Швимер биле навистина вљубени во првата сезона – моменти што ги обожававме од ексклузивната средба на „Пријатели“ (фото)

Невозможно е да ја изгледате специјалната епизода од Friends – The Reunion без солзи. После 17 години, Рејчел, Рос, Фиби, Џои, Чендлер и Моника повторно седнаа во омилената дневна соба, евоцирајќи спомени од најпопуларната, комична ТВ серија на сите времиња – Friends.

Трејлерот најави дел од моментите во специјалната епизода, но она што го видовме во текот на 90-те минути нè остави без зборови, со многу солзи и емоции.

https://www.youtube.com/watch?v=HRXVQ77ehRQ

Кои беа најдобрите моменти од ексклузивната епизода на Пријателите?

Пристигнувањето на актерите во студиото 24, каде што станот на Моника и кафулето Central Perk беа наместени идентично како во серијата

Оживувањето на популарниот квиз кој и овојпат го водеше Рос (Дејвид Швимер) за да го тестира знаењето на пријателите еден за друг (сè уште никој не ја погоди професијата на Чендлер)

Интервјуто со секој од нив покрај култната фонтана од најавната шпица

Признанието дека Рејчел и Рос (Џенифер Анистон и Дејвид Швимер) биле вљубени еден во друг во текот на првата сезона

Изведбата на култната „Smelly Cat“ на Фиби (Лиса Кудроу) во друштво на Лејди Гага, која беше облечена во стилот на Фиби од серијата

Читањето на најинтересните сцени од страна на актерите од денешна перспектива

Модната писта со некои од најинтересните костими од серијата, меѓу кои и Џои (Мет ЛеБланк) со сета облека од Чендлер на себеси

…и уште многу, многу други прекрасни моменти кои нè потсетија на магијата на „Пријатели“.

Дали ја гледавте специјалната епизода и какви се вашите импресии?

(О)Милена | Црнобело