Серии и филмови што ги засенија книгите според кои се направени

Секој читател ќе ви каже дека книгата е подобра од филмот. Иако можеби во повеќето случаи ова е вистина, кога на адаптацијата работи навистина талентиран режисер, приказната може да стане дури и поинтересна од книгата.

Па, погледнете ги филмовите и сериите кои навистина ги засенија книгите според кои се направени.

Ready Player One

Направен според Ready Player One – Ернест Клајн

Филмот е направен според истоимената книга на Ернест Клајн. Ернест ја напишал книгата за оние кои можат да ги сфатат референците од старите видеоигри и поп културата од 80-тите.

Но, кога Стивен Спилберг реши да го екранизира романот, резултатот не остави никого рамнодушен. Спилберг ја претвори приказната во висинско влегување во видео игра и ја направи достапна за поголема публика.

Истовремено, тој им оддаде почит на филмовите како Terminator 2: The Judgment Day, The Iron Giant, Back to the Future, The Shining и многу други. Специјалните ефекти само го направија филмот уште подобар.

American Gods

Направена според American Gods – Нил Гајман

Новелата на Нил Гајман раскажува за свет во којшто се судираат старите и новите богови во модерна Америка, a комплексноста на книгата може да го натера неискусниот читател да се откаже од неа.

Книгата беше претворена во серија која успешно ги доловува карактерите на ликовите и ја прави поврзаноста со митологијата поочигледна.

Дури и самиот Гајман изјавил дека кога ќе го пишува продолжението на приказната, господин Среда ќе го замислува како Иан Мекшејн, а Лора Мун како Емили Браунинг.

Belle & Sebastian

Направен според Belle and Sebastien – Сесил Обри

Делото на Сесил Обри ги следи авантурите на 6-годишниот Себастијан и неговото куче Бел. Филмската адаптација со своите неверојатни пејсажи, пријатна музика и топла приказна се претвори во прекрасен семеен филм каков што денес ретко можеме да видиме.

It

Направен според It – Стивен Кинг

Филмската адаптација од 2017-та година додаде напнатост во новелата на Стивен Кинг. Енди Мускиети успеа да го оживи древното зло од малиот град и тоа без реки од крв, туку со интересна приказна која му остана верна на оригиналот.

Mindhunter

Направена според Mindhunter – Џон Е. Даглас и Марк Олшејкер

Ова е уште една серија, направена според мемоарите на поранешен ФБИ агент кој ги воведува психологијата, антропологијата и социологијата како алатки за откривање на мотивите на убијците.

Ова е навистина интересна приказна што не секој може да ја поднеси. Сепак, Дејвид Финчер успеа да направи трилер кој одлично ја доловува вистинската атмосфера и ликовите.

A Street Cat Named Bob

Направен според A Street Cat Named Bob - Џејмс Боуен

Книгата раскажува за прекрасното пријателство помеѓу уличен музичар и мачка која буквално го спасува од зависност. Книгата е преведена на над 30 јазици и беше на врвот на листата на бестселери на The Sunday Times повеќе од 76 недели.

Сепак, многу читатели се поажалиле дека јазикот бил преедноставен. Но, филмската адаптација ѝ даде нов живот на книгата.

Gone Girl

Направен според Gone GIrl - Џилијан Флин

Ова е романот што ѝ ги отвори портите на Џилијан кон Холивуд. Адаптацијата на Дејвид Финчер е психолошки трилер со елементи на драма, што ќе ве држи на прсти од почетокот до крајот.

My Life as a Zucchini

Направен според: Ma vie de Courgette – Џилс Парис

Оваа необична но незаборавна анимација ја претвори книгата за момчето сирак во надреална драма со малку мрачен хумор. Филмот е едноставен, топол, но и малку тажен.

Покрај тоа, филмот си заработи и номинација за Оскар во 2017-та година.

Altered Carbon

Направена според Altered Carbon – Ричард Морган

Приказната на Морган е сместена во свет каде што свеста на луѓето е дигитализирана и може да се пренесува во разни тела. Сценаристите на Нетфликс го дале најдоброто од себе за да ја екранизираат книгата.

Тие ја проширија приказната на секој лик, додадоа неколку нови и ја направија приказната пологична.

Adrift

Направен според Red Sky in Mourning: The True Story of a Woman' Courage and Survival at Sea – Сузи Мекгерхарт и Тами Ешкрафт

Книгата ја раскажува вистинската приказна за Тами Ешкрафт која на 23-годишна возраст останала сама на брод, но адаптацијата на Балтазар Кормакур е многу поемотивна.

Филмот е одлична комбинација од катастрофа и мелодрама.

Fantastic Beasts and Where to Find Them

Направен според Fantastic Beasts and Where to Find Them – Џ. К. Роулинг

Книгата Роулинг е само водич за магични суштества и нема приказна. Но на наше задоволство, книгата инспирира уште една приказна од светот на Хари Потер.

Филмот го опфаќа светот на волшебниците пред раѓањето на Хари Потер. На почетокот беше планирана трилогија, но продуцентите одлучиле да снимаат 5 филмови, чиј сценарист ќе биде Роулинг.

Спирова С. | Црнобело