Зошто хероините во филмовите секогаш мора да го менуваат својот изглед?

Некои работи можат да го направат филмот едноставно поинтересен, а меѓу нив дефинитивно е промената на главната хероина.

И колку и да изгледа интересно кога дијамантот добива форма, едноставно не можеме да издржиме, а да не си кажеме во себе: „Променава за да ме прифатат другите некако не ми звучи привлечно...“

Секако, овој момент во филмовите си има свои позитивни, ама и негативни страни.

Позитивни:

• Промените секогаш се случуваат со некоја весела мелодија
• Забавни се за гледање
• Вклучуваат испробување на облека
• Поврзување на женските ликови
• После промената, хероините некако изгледаат посреќни

Но, негативните работи како да се побројни:

• Потенцираат дека нешто не било во ред со хероината на почетокот
• Потенцираат дека облеката и добрата фризура можат да ви го променат животот
• Потенцираат дека заради тоа можете да станете злобни и да ги изгубите вистинските вредности
• Најчесто се прават за љубов, ама навистина треба да се промените за другата страна?
• Промените најчесто се случуваат без желба или волја на хероината
• Никој не купува илјадници работи одеднаш, ниту пак може да си го дозволи тоа...
• Очекувате промените да бидат трајни, ама никогаш не се, плус може да не завршат со позитивен исход

Едно е јасно, прикажуваат прашања околу идентитетот на жените и нивната автентичност, па дали се добри или не? Корисни? Негативни?

Н. Г. | Црнобело