Актери кои изглумиле најдобра и најлоша љубовна хемија

Хемијата е недефинирана, но можете да ја препознаете кога ќе ја видите. Таа не мора нужно да биде романтична; може да се почувствува и помеѓу луѓе кои меѓусебно не се допаѓаат. 

Хемијата обично се случува во моментите помеѓу зборовите. Таа лежи во неискажаното, во погледите разменети помеѓу две лица, поради што е тешко да се опише, едноставно мора да се види.

Ова се примери на најдобрите и најлошите хемии помеѓу познатите актери во нивните филмови:

Кејт Винслет и Леонардо ди Каприо во „Титаник“ (1997)

Ди Каприо често ја има демонстрирано лошата хемија со славните актерки, како Кери Малиган, Камерон Дијаз, Марион Котијар и Клер Дејнс.

Но, неговата комбинација со Винслет резултираше со една од најпознатите љубовни врски на големите екрани. Нивната енергија и хемија во овој филм е експлозивна и инспиративна.

Итан Хок и Џули Делпи во „Before Sunrise/Sunset/Midnight“ (1995-2013)

Актерите и режисерот работеле заедно повеќе од 20 години на овие филмови, а заедно ги напишале и поголемиот дел од дијалозите.

Реалните и болните предизвици кои ги имаат и двајцата во филмовите е она што ја прави нивната хемија уште посилна.

Рајан Гослинг и Шарика Епс во „Half Nelson“ (2006)

Хемијата не е строго сексуална. "Half Nelson" е потценет филм во режија на Рајан Флек. Гослинг е наставник на едно училиште и зависник од дрога. Неговата ученичка и можеби единствениот пријател е Шарика.

Ова не е една од оние приказни за професор и ученик приказни каде што на крајот среќата триумфира над несреќата.

Тие се разбираат еден со друг и без зборови. Нивните ликови не зборуваат многу, но публиката точно може да ги разбере нивните чувства.

Бен Стилер и Грета Гервиг во „Greenberg“ (2010)

Хемијата помеѓу овие два актери e многу лоша, но режисерот најверојатно токму тоа сакал да го прикаже. Овде е прикажана и една од најлошите секс сцени на сите времиња.

Навистина е тешко да се замисли свет во кој овие двајца ликови би уживале поминувајќи го времето заедно.

Рајан Гослинг и Мишел Вилијамс во „Blue Valentine“ (2010)

Многу луѓе мислат дека овој филм е убава романтична трагедија, но односот помеѓу Рајан и Мишел е всушност неверојатно депресивен.

Сценариото би можело да биде дел од проблемот, но и големиот дел од дијалогот е импровизирани од страна на Гослинг и Вилијамс. Ниво на хемија: 0.

Џулија Робертс, Клајв Овен, Натали Портман и Џад Лоу во "Closer" (2004)

Во овој филм четири атрактивни луѓе ги разменуваат партнерите, а презентацијата на љубовта е незамисливо мрачна.

Се чини дека секој е измамник и дека не може да постои врска без бројни измами. Без оглед на комбинацијата, ниту еден од овие ликови нема меѓусебна хемија. 

М. А. | Црнобело