10 нови серии кои ќе ве држат „залепени“ за екранот до последната епизода

BLack Doves за оние кои сакаат трилери или The Pitt за љубителите на медицинските драми – што да гледате оваа зима?

Ако ги изгледавте најпопуларните серии од минатата година и веќе не ви се прегледуваат ретро серии со по 100 епизоди, сигурно ќе ви се допадне нешто од нашава листа.

10 серии од декември и јануари на кои вреди да им дадете шанса:

The Pitt

The Pitt е медицинска драма која се обидува реалистично да ги прикаже предизвиците со кои се соочуваат здраствените работници во САД.

Главните ликови се докторите и медицинските сестри кои работат во болница во Питсбург, Пенсилванија.

American Primeval

За љубителите на вестерн филмови и серии, овде е American Primeval.

Дејството е сместено во 1850-тите, во период кога се случува борба за контрола на американскиот запад.

On Call

Динамична крими серија каде главните ликови се двајца полицајци.

Лоцирани во Калифорнија, тие одговараат на итните повици, а во меѓувреме пробуваат да се справат со загубата на колега.

Black Doves

Со Кира Најтли во главната улога, Black Dove е одличен британски трилер.

Главниот лик е Хелен која е шпион, но стравува дека нејзиниот таен идентитет ќе биде откриен откако нејзиниот љубовник е убиен од лондонското подземје.

The Sticky

Забавна серија, инспирирана од бизарен вистински настан, познат како „Големата канадска кражба на јаворов сируп“.

Главниот лик е жена која произведува јаворов сируп и која сфаќа дека нејзиниот бизнис е под закана.

За да се одмазди, планира да украде јаворов сируп во вредност од неколку милиони долари.

Продолжува на следната страница...