10 нови серии кои ќе ве држат „залепени“ за екранот до последната епизода

No Good Deed

Главните ликови се три потполно различни семејства кои се натпреваруваат да купат куќа изградена во 1920-тите, бидејќи сите веруваат дека тоа е решение на нивните проблеми.

Серијата, карактеризирана како мрачна комедија, има одлична актерска екипа која ја сочинуваат Лиса Кудроу, Реј Романо и Лук Вилсон.

Lockerbie: A Search for Truth

Со Колин Фирт во главната улога, серијата е снимена според вистински настан – бомбардирање на патнички авион.

Главните ликови во серијата се брачен пар кој бара правда за жртвите во несреќата, вклучувајќи ја и нивната ќерка.

Dexter: Original Sin

Долгоочекуваното продолжение на популарната серија Dexter се фокусира на почетоците на серискиот убиец кој е и форензичар.

Дејството го опфаќа периодот кога тој, со помош на татко му, учи како да ја контролира желбата за убивање.

Laid

Главниот лик е Руби, 33-годишна сингл жена која пробува да ја најде љубовта на својот живот.

Но, се наоѓа среде мистерија откако сфаќа дека секој маж со којшто спиела, почнува мистериозно да умира.

Cunk on Life

Иако е во форма на филм (односно епизода од околу еден час), Cunk on Life е како продолжение на мини-серијата Cunk on Earth и вреди да се спомне во оваа листа.

Снимена во форма на документарец, главниот лик е водителката Филомена Канк која во разговор со вистински експерти, пробува да ги открие тајните и мистериите на светот околу нас.

А, прашањата што ги поставува и заклучоците што ги донесува, се ништо по малку од смешни, но и бизарни.

Спирова С. | Црнобело