Тон емоции: Спектакуларна изведба на Каролина на „Твоите бакнежи на моите бели кошули“ од Тоше Проески (видео)
- Детали
- понеделник, 03 октомври 2022
Реакцијата на изведбата на „Твоите бакнежи на моите бели кошули“ од страна на публиката беше доказ дека Тоше болно ни недостига и по толку години, дека Тоше е незаборавен, а неговите песни вечни. Но, и доказ дека Каролина е наше музичко богатство, ни приреди настап кој долго, долго ќе го паметиме... Едноставно, ни ги помилува душите.
Каролина Гочева вчеравечер (02.10) настапи на кровот од Skopje City Mall, по повод 10 години постоење на трговскиот центар.
На сцената таа се појави во кусо фустанче со лелеави ракави и имаше спектакуларен настап.
Од балади кои допираат до срцето до кулминација со нејзините најголеми хитови, но и оддавање почит на нејзиниот колега, легендарниот Тоше Проески.
Таа ја изведе неговата песна „Твоите бакнежи на моите бели кошули“, а потоа и нивниот дует „Немир“.
На „Твоите бакнежи на моите бели кошули“ публиката беше трогната, атмосферата „ежеше“, а нашиот ангел како да беше меѓу присутните.
Каролина со својот моќен вокал на совршен начин ја отпеа песната и ги помилува душите на сите од публиката.
Ова дефинитивно е еден од најдобрите настапи на нашата поп дива која донесе неверојатна енергија на сцената, беше насмеана, танцуваше и имаше совршена комуникација со нејзините фанови, кои беа во огромен број.
Се разбира, и членовите на нејзиниот бенд беа клучен дел од целата приказна.
Реакцијата на „Твоите бакнежи на моите бели кошули“ од страна на публиката беше доказ дека Тоше болно ни недостига и по толку години, но и дека Тоше е незаборавен, а неговите песни вечни.
Изведбата на „Твоите бакнежи на моите бели кошули“ на Тоше од страна на Каролина:
©CRNOBELO.com Забрането преземање и копирање. Крадењето на авторски текстови е казниво со закон.
Симона Симионова | Црнобело
Би можело да ве интересира:
Препорачуваме
Најчитани неделава
