Александра Шијакоска, емотивна за роденденот: „Да ми кажеше некој дека на 29 години ќе се борам со тумор, ќе му се изнасмеев“
- Детали
- сабота, 05 март 2022
„Не сакав ни да го прославам роденденот ни да се сликам ни да ме гледа некој. Сакав да го преспијам периодот до операцијата, ама време е да научам да живеам ДЕНЕС, а не да чекам да се случи нешто. Знам дека се ќе биде добро...“, раскажува храбрата Александра Шијакоска по повод 29-тиот роденден, на само неколку дена пред тешката операција што ѝ претстои поради тумор на мозокот.
Во средината на февруари една од нашите најпознати модни инфлуенсерки Александра Шијакоска отворено проговори дека води една од најтешките битки во животот, откако ја добила дијагнозата тумор на мозокот.
Таа говореше отворено за тешкиот период кој ѝ претстои поради комплицираната операција.
Денес (05.03) Шијакоска го прослави 29-тиот роденден и објави прекрасни роденденски фотографии.
Во нивниот опис емотивно долови со што се соочува:
„Пред две години ја читав „Пиреј“ и ми остана во главата. Ние луѓето не сме свесни за силата која ја имаме дури не ни тропне на врата тоа од кое најмногу се плашиме.
Мене многу од работите кои ме плашат ми се случија во една година, но измеѓу имаше и многу среќни моменти. Се трудам да се фокусирам на тие среќни моменти и со нив во глава со цела сила да се спремам за операција.
Да ми кажеше некој дека на 29 години ќе се борам со тумор наместо да шетам низ светот, да се радувам со пријателите и саканите или да гледам деца ќе му се изнасмеев.
По неколку дена плачење и прашување зошто јас, имав време да размислам за сите случувања во мојот живот. Господ ме спремал за ова ме челичел, а јас го знаев тоа, го чувствував.
Не сакав ни да го прославам роденденот ни да се сликам ни да ме гледа некој. Сакав да го преспијам периодот до операцијата, ама време е да научам да живеам ДЕНЕС, а не да чекам да се случи нешто. Знам дека сѐ ќе биде добро.
После ова пишуваме книга заедно. Јас ќе раскажувам, а некој добар пишувач ќе пишува. Фала ви на сите за грижата и убавите мисли, ми изгледаше нефер да не ве известам што се случува со мене. Јас сум добро и се спремам за операцијата која е закажана во текот на наредната недела. Вака-така истуркавме до 29.“
Александра отворено и храбро проговори за тешката ситуација со која се соочува во средината на февруари:
Од срце ѝ посакуваме успешна операција, брзо закрепнување и да остане храбра, ведра и насмеана, токму таква каква што сите ја знаеме.
С. С. | Црнобело
Би можело да ве интересира:
Препорачуваме
Најчитани неделава
