Македонскиот пејач и композитор Зафир Хаџиманов почина на 77-годишна возраст

Детали

сабота, 27 март 2021

Српските медиуми јавуваат дека битката со корона вирусот ја загубил македонскиот пејач, композитор, поет и автор, Зафир Хаџиманов.

фото: Фејсбук - Зафир Хаџиманов

Зафир Хаџиманов, по татко од Кавадарци, по мајка од Скопје, речиси целиот животен век го помина во Белград, каде и згасна неговиот живот на 77-годишна возраст.

Српските медиуми јавуваат дека наводно тој ја загубил битката со корона вирусот.

Тој беше во брак со југословенската пејачка Сенка Велетанлиќ – Хаџиманов, со која го имаат синот Васил Хаџиманов.

Зафир е автор на стихозбирките „Шансони на хартија“, „Азил“, има играно главни улоги во неколку филмови, беше добитник на бројни награди и признанија на фестивали за поезија и музика, а има отпеано некои од најпознатите песни на македонски јазик.

Дел од оние кои засекогаш ќе останат запаметени се „Како Вардар“, „Љуби ме и главата горе“, Од љубов не се бега“ и други.

М. М. | Црнобело