Со Loop услугата на Т-Мобиле фотографии и видеа достапни на сите уреди

Детали

понеделник, 20 април 2015

Фотографиите овековечуваат моменти, емоции и места. Будат спомени и се доказ за периоди од нашето животно патешествие. Селфи фотографирањето одамна е мода, а споделувањето на фотографиите на Фејсбук се чини дека никогаш не било подостапно, побрзо и поедноставно. Фотографирањето денес стана забавна игра, во коjaшто уживаат и најмладите дечиња, а вашите родители пак, се пресреќни кога брзо и едноставно ќе споделите со нив еден куп фотографии од вашиот одмор, роденден или патување. Ако не фотографирате, како и да не сте биле некаде!

Новите апарати за фотографирање, технологии и апликации секогаш ќе не изненадат со уште некоја придобивка, која го прави светот поинтересен, поинтерактивен и позабавен. Loop e една од апликациите со коишто нашето секојдневие може да се разубави и да стане поинтересно. Со оваа услуга на Т-Мобиле, може да се споделуваат слики и видеа од вашиот смартфон директно на MaxTV, компјутер и таблет. Едноставно, вашите фотографии и видеа се достапни на сите уреди!

На таков начин, додека сте на патување, вашето семејство директно на својот телевизорот може да ги гледа фотографиите или видео материјалите и да биде во тек со она што ви се случува. Можете да креирате и база на фотографии, кои ќе ги чувате на вашиот уред, да ги средувате и селектирате како што сакате.

Она што треба да се направи е да се активира услугата Loop на www.loop.mk, да се кликне на копчето “регистрирај се” и сајтот ќе ве води чекор по чекор низ постапката, или пак преземете ја бесплатната апликација од Google Play и App Store и почнете да споделувате!

Со Loop вашите содржини се секогаш безбедни и секаде достапни!