Sony Xperia Ultra за најдобрите летни “selfie” фотографии, а најдобрата фотографија добива билборд

Детали

петок, 20 јуни 2014

Во низата на летни изненадувања, Вип подготви уште една забавна содржина за своите Facebook фанови и сите љубители на “selfie” фотографиите.

 

Имено, од денес, на својата Facebook фан страна, Вип започнува избор за најдобра летна “selfie” фотографија снимена со мобилен телефон, кој на најдобрите ќе им донесе примамливи летни подароци и изненадувања, меѓу кои четири Sony Xperia Ultra паметни телефони и главна награда – поставување на Билборд на најдобрата “selfie” фотографија. 

Сите заинтересирани можат да учествуваат со неограничен број на различни креативни “selfie” фотографии, снимени и пратени од мобилен телефон, а за да учествуваат во изборот, “selfie” фотографиите треба да ги испратат на Оваа е-адреса е заштитена од спамботови. Треба да ви е овозможено JavaScript за да ја видите.. Деталите за правилата на учество се достапни на официјалната фан страна.

- Летото е период кој изобилува со забава, безгрижност и многу дружење. Оваа нова интерактивна содржина ја воведуваме за љубителите на “selfie” фотографиите и авантурите со цел да ја поттикнеме нивната креативност, да ја потенцираме индивидуалноста, слободниот дух и убавината во секој од нив. Сигурни сме дека нашите корисници ќе ја препознаат дополнителната вредност во оваа активност, бидејќи нашето “Повеќе за вас” e нешто кое со големо внимание го негуваме, изјави Гернот Раш, Главен маркетинг директор на Вип оператор.

Изборот за најдобра летна “selfie” фотографија ќе трае од 18 јуни 2014 до 3 август 2014 и ќе биде поделен во четири циклуси. Заинтересираните можат да се приклучуваат кон било кој од циклусите со различни фотографии, а победнчката ”selfie” фотографија која има најмногу “лајкови” во секој од циклусите ќе биде наградена со Sony Xperia Ultra и припејд СИМ картичка.

Дополнително, за главната награда - поставување на фотографијата на Билборд која ќе биде одбрана од страна на жири, во конкуренција влегуваат ”selfie” фотографиите од сите четири циклуси. Второ и трето пласираните ”selfie” фотографии ќе бидат исто така наградени со пригодни подароци.

За потсетување, неодамна Вип претстави одлична можност за бесплатен Facebook за своите припејд корисници која им овозможува бесплатен Facebook каде и да се.