Едина Муса (33) крева тегови во 19-та недела од бременоста: „Спиев кај ќе стигнам, но сега ми се врати енергијата“
- Детали
- четврток, 19 септември 2024
Едина Муса за бременоста: „Првите месеци значително го променија темпото на мојот живот, од човек што живее 300 на час и работи нон-стоп, до човек што нема желба буквално да излезе од дома“.
Кошаркарката Едина Муса неодамна објави дека е бремена со фотографија од плажа на која го гали своето трудничко стомаче.
„Ти си сѐ што некогаш посакував. 118 дена ние“, напиша таа во описот на фотографиjата.
Сега, таа открива дека влегла во 19-тата недела од бременоста, дека силата ѝ се вратила и повторно почнала со тренинзи.
На Инстаграм објави видео како вежба во чиј опис напиша:
„19-та Недела
Скоро и до пола бременост…
Тренинзите во оваа недела се значително подобри. Енергијата е вратена скоро до нормала, за разлика од првите 3 месеци каде што спиев кај и да стигнам.
Првите месеци значително го променија темпото на мојот живот, од човек што живее 300 на час и работи нон-стоп, до човек што нема желба буквално да излезе од дома.
Јас не бев јас, и тоа ми беше многу тешко да го разберам и прифатам, со оглед на тоа што ова е мојата прва бременост, едноставно не знаев што ме чека.
Се осетив бескорисно затоа што буквално немав ниту енергија, ниту желба да завршам било каква работа.
Но, спортист како спортист не може баш туку така да крене раце од сè.
Вежбањето беше клучниот дел за моето психичко здравје во тој период. Точно е, немав енергија за тренинзите што порано ги правев, и не планирав да го форсирам своето тело сега кога највеќе му требаше енергија за уште едно животче, кое тек се формира.
Целта ми беше да останам физички активна, па макар и правела вежби со сопствена тежина, што обично беше мојата рутина за загревање пред секој тренинг.
Останав доследна до својот збор. Планот беше три пати неделно тренинг проследен со многуууу спиење и нутритивно богата исхрана.
Како што влегов во 14-та недела, енергијата како одеднаш да ми се врати. Полека почнав да додавам тегови, ги зголемив повторувањата и се фокусирав на правилната форма од секоја вежба.
Како што напредував, така ја зголемував килажата со која тренирам, НО СЕКОГАШ ГО СЛУШАМ СВОЕТО ТЕЛО. Целта не ми е да ја зголемувам својата сила и да кревам брутални килажи, како што правев кога не бев бремена, туку да ја одржам својата сила и своето психофизичко здравје“.
С. С. | Црнобело
Би можело да ве интересира:
Препорачуваме
Најчитани неделава
