Горди сме! Средношколката Ана Котевска се врати со злато од Меѓународната олимпијада по германски јазик
- Детали
- петок, 26 јули 2024
Осум дена, над 100 ученици од околу 60 земји се натпреваруваа за титулата најдобар ученик по германски јазик во светот.
Aна Котевска, ученичка во специјалната германска паралелка во скопската гимназија „Јосип Броз Тито“ е апсолутна победничка на Интернационалната oлимпијада по германски јазик „IDO 2024“.
Ова натпреварување се одржа минатата недела во Гетинген, Германија.
Ана го освои златниот медал во категоријата натпреварувачи на Б2 ниво.
Осум дена, над 100 ученици од околу 60 земји се натпреваруваа за титулата најдобар ученик по германски јазик во светот.
Победниците од националните прелиминарни рунди - на возраст од 14 до 17 години - патуваа од целиот свет до финалето во Германија и се натпреваруваа во различни натпреварувачки дисциплини.
На Интернационалната олимпијада по германски јазик учествуваше и Марија Стефановска, која неодамна се запиша во гимназијата „Јосип Броз Тито“ и од септември 2024 ќе биде ученичка во прва година.
Ана е под менторство на професорката Кристина Клиафа - Трпеска, која е класна раководителка и професорка по германски јазик во гимназијата, а на патувањето во Германија ја придружуваше професорката Габриела Темелкоска, претседателка на Здружението на германисти во Македонија.
Олимпијадата се реализира во соработка со „Гете институт“.
А. Ј. | Црнобело
Би можело да ве интересира:
![](https://www.crnobelo.com/media/com_jvrelatives/images/thumbs/com_content_109629_400.jpg)
![](https://www.crnobelo.com/media/com_jvrelatives/images/thumbs/com_content_104519_400.jpg)
![](https://www.crnobelo.com/media/com_jvrelatives/images/thumbs/com_content_107688_400.jpg)
![](https://www.crnobelo.com/media/com_jvrelatives/images/thumbs/com_content_110000_400.jpg)
![](https://www.crnobelo.com/media/com_jvrelatives/images/thumbs/com_content_111083_400.jpg)
![](https://www.crnobelo.com/media/com_jvrelatives/images/thumbs/com_content_106756_400.jpg)