Иван Јованов стана татко - со саканата ѝ дадоа уникатно име на ќерката

Детали

среда, 27 март 2024

Пејачот Иван Јованов вчера (26.03) стана татко - неговата сопруга Ивана на свет донесе девојче, кое доби уникатно име. 

Иван Јованов, пејачот на „Либеро бенд“, стана татко. Неговата сопруга Ивана вчеравечер роди девојче. За ќерката Иван и Ивана избраа уникатно име - Ниа.

Веста дека станал татко прво ја објавија пријателите на Иван, пејачките Барбара Поповиќ и Мартија Станојковиќ и водителот Никола Трпковски, а потоа и Иван на Инстаграм Стори сподели неколку честитки за раѓањето на ќерката.

Претходно, во интервју за CRNOBELO.com, тој раскажа за тоа колку е возбуден што наскоро ќе стане татко.

Иван тогаш кажа дека доколку има можност, би сакал да биде со Ивана во породилната сала.

„Доколку се создадат услови за тоа, секако дека ќе присуствувам на несекојдневниот чин и ќе го споделам тој најсреќен миг со Ивана.

Искрено, едвај го чекам мигот кога тој мал ангел ќе го земам во моите раце. Само да е живо и здраво, а девојчињата се принцези на татковците“, ни кажа тогаш Иван.

Тогаш откри и дека прво ќе направат мекици за бебето, а дури потоа ќе ја планираат свадбата со Ивана.

Прочитајте и Иван Јованов пред раѓањето на ќерката: „Едвај го чекам мигот кога малиот ангел ќе го земам во раце“

А. Ј. | Црнобело