Браво! Ѓурчин од Скопје ја донира својата долга коса за децата болни од рак (видео)
- Детали
- вторник, 27 февруари 2024
„Не треба да си голем за да покажеш големо срце. Ѓурчин ја донира својата коса за да помогне на дечињата кои се борат со лошата болест“, напиша Гоце Тодевски, кој ја потстрижа долгата коса на момчето од Скопје.
Нашиот познат фризер Гоце Тодевски на својот профил на Инстаграм објави видео кое ги топи срцата. Тој ја потстрижа долгата коса на Ѓурчин од Скопје, момче кое ја растеше неколку години, за да ја донира за изработка на перики на деца кои боледуваат од рак.
„Не треба да си голем за да покажеш големо срце. Ѓурчин ја донира својата коса за да помогне на дечињата кои се борат со лошата болест.
Браво Ѓурчин, светот ќе е подобро место за живеење ако постојат повеќе луѓе како тебе“, напиша Гоце.
Тој го покажа целиот процес на потстрижување на долгата коса на Ѓурчин, но и неговата нова, модерна фризура откако веќе нема опавче.
Тодевски за CRNOBELO.com вели дека во својот салон „Студио Стефаниа“ бесплатно ќе ги потстрижи сите што сакаат да донираат коса за изработка на перики.
Погледнете го видеото:
А. Ј. | Црнобело
Би можело да ве интересира:
Препорачуваме
Најчитани неделава
