Марија Бунда, наша докторка која се соочи со рак на дојка на крајот од 20-тите: „Научив важни лекции“

Друго, бидете благодарни за пријателите и за семејството. Кажувајте им дека ги сакате. Кажувајте им дека ви се битни и гушкајте ги, сакајте ги. Затоа што човек некогаш треба да е во тешка ситуација за да сфати луѓето колку го сакаат.

Јас лично сум се изненадила од тоа колку луѓето сакаат да помогнат и колку се грижат едни за други. Така што ценете ги родителите, ценете ги сопружниците, ценете ги децата, сите околу вас што ве сакаат и дајте им љубов.

Друго, изгледот не значи ништо. Ова треба да го слушне Марија кога имаше 15, 20, 25 години. Изгледот навистина не е битен. Каква коса имаш, каква кожа имаш. Да, знам, многу значи за самодовербата, ама вистинската среќа доаѓа од внатре.

Вистинската среќа доаѓа од тоа да си среќен со себеси. Да застанеш, да дишеш длабоко и да си благодарен дека си тука. Така што порака до сите млади девојки и момчиња - не се заморувајте толку со физичкиот изглед. Не е толку битен. Среќата не е тоа. Барем за мене.

Тие се некои работи што ги научив и што ги знаев и претходно. Но, ете, канцерот ме направи да ги сфатам и да се вистини за мене.

Ќе заборавев – колку не се битни материјалните нешта. Е, тоа мислам дека е најважно од сè.

Не можам да ви опишам колку не ми се битни веќе материјалните нешта. Колку се битни конекциите, колку е битно да имаш здрав ум, да имаш добра психа и да се разбудиш среќен и благодарен.

Една чанта плус или минус ништо не менува. Бидете среќни со тоа што го имате, бидете среќни дека сте живи. Бидете среќни дека дишете.

Ете, тоа е. Се надевам не ве депримирав. Целта ми беше да го живееме секој ден со полни бели дробови. Секој ден да сме благодарни за тоа што сме живи“.

Спирова С. | Црнобело