Лила Филиповска објави ретро видеа од почетокот на кариерата: „Син ми праша дали бил роден тогаш“

Детали

сабота, 01 април 2023

„Малку времеплов и многу носталгија. Мојата љубов, квизовите! Син ми ме праша дали бил роден тогаш“ - напиша меѓу другото, познатата ТВ водителка Лила Филиповска. Додека во последниот период привлекува внимание со тоа што отворено и искрено зборува за нејзината борба со ракот, таа објави и две видеа со кои ги потсети следбениците на своите почетоци.

Познатата македонска ТВ водителка Лила Филиповска деновиве е во фокусот на јавноста откако почна јавно да зборува за својата битка со ракот.

Лила пред неколку денови гостуваше на настан во Александар Палас, каде искрено кажа што сè се случувало од мигот кога ја добила дијагнозата и што било она што ѝ дало волја, надеж и сила да се избори со злокобната болест.

Сега на својот Инстаграм профил таа објави две постари видеа од почетокот на кариерата, кога водеше квизови на некои од македонските телевизии.

„Малку времеплов и многу носталгија. Мојата љубов, квизовите! Првиот клип е од „Бројки и букви“, а вториот од култната „Енигма“ на Сител. Син ми ме праша дали бил роден тогаш. Спомени“ - напиша таа до видеата.

Во продолжение погледнете како изгледаше Лила на почетокот на својата кариера. За да ги видите и двете видеа кликнете на стрелката во објавата:

 Б. С. Б. | Црнобело