Пред Анастасија Ражнатовиќ бил во врска со друга српска пејачка, заработил милиони од фудбал – Факти за Немања Гудељ

Пред да ја обелодени врската со Анастасија, српските медиуми пишуваа дека Немања е во врска со Сања Вучиќ од групата Hurricane. За тоа најмногу придонесоа фотографиите што таа ги објави од нејзиниот роденден, а на кои тие двајца се прегрнуваат.

„Не можам да ви дадам коментар, секогаш велев дека сме само пријатели. И понатаму сме пријатели. Ќе останеме пријатели, ние се сакаме“ – рече Сања на прашањето како ја коментира врската на Немања со Анастасија.

Познато е дека Немања има голем број тетоважи на своето тело. Првата тетоважа што некогаш ја направил е портрет на неговиот татко, Небојша, a последната се три крстови што неодамна ги направи во Севиља и сподели фотографии од моментот кога го тетовирале.

Годинава за да ја изненади Анастасија за нејзиниот 24-ти роденден, фудбалерот одлучи да ја однесе на луксузен одмор на Ибица, за што наводно потрошил 34.000 евра.

По загубата на Србија во Катар, во некои медиуми почнаа да кружат гласини дека Гудељ и Анастасија наводно се скарале пред хотелот, дека таа предизвикала раздор во неговото семејство, но потоа беше објавена фотографија од авионот, на која се гледа дека познатата српска пејачка му спие на рамо во авионот. Тие двајца заедно заминаа во Шпанија, каде тој живее во моментов.

Б. С. Б. | Црнобело