Јелена Ѓоковиќ со амајлија на рака, откако Новак се најде среде скандал за допинг (видео)

Детали

среда, 16 ноември 2022

Српските медиуми масовно пишуваат за црвениот конец што Јелена Ѓоковиќ го носеше на раката додека го бодреше Новак Ѓоковиќ на трибините. Сопругата на српскиот тенисер носеше амајлија против уроци, една недела откако тој се најде среде скандал за допинг.

Новак славеше во Торино по мечот од првото коло на завршниот Мастерс победувајќи го Стефанос Циципас, а неговата сопруга Јелена уште еднаш покажа дека му е најголем обожавател и најверен навивач.

Според српските медиуми, црвениот конец на раката на Јелена, има долга традиција во Србија и се верува дека е амајлија против уроци, а тоа верување подеднакво е застапено и во други верувања и култури како што се будизмот, хиндуизмот и јудаизмот.

The amazing @jelenadjokovic in the box supporting her husband as always🙏🏽❤️#NoleFam pic.twitter.com/GfcAjhfDLG

— Reggie (@Reggie61823972) November 14, 2022

За потсетување, црвен конец на левата рака во минатото носеше и Мадона, која ја следеше Кабалата од почетокот на 1996-та година.

Инаку, минатата недела Новак се најде среде скандал кога на социјалните мрежи беше објавено видео на кое се гледа како неговиот тренер Улисес Баидо, за време на натпреварот во Париз му подготвува пијалак на трибините и се крие од присутните.

Can anyone who knows tennis explain what is going on here, and why it’s being done this way? It looks amazingly dodgy. pic.twitter.com/xoJHBLmTzA

— Damian Reilly (@DamianReilly) November 6, 2022

Според твитерџиите, ова подготвувавње на пијалак изгледало мошне сомнително, па во дел од светските медиуми се појавија написи дека Новак зема допинг.

Од друга страна, Јелена веднаш одговори на ваквите обвинувања и напиша:

„Не гледам ништо сомнително. Всушност гледам луѓе што сакаат да ја заштитат сопствената приватност во светот каде секој чувствува дека има право да земе камера и да снима што сака. Очигледно, ако се обидуваш да си ја зачуваш приватноста, тогаш си сомнителен.“

Б. С. Б. | Црнобело